بلوچستان: ضابطہ خلاف ورزی پر 23 ڈاکٹر معطل، 25 افسران کو شوکاز نوٹس جاری

بلوچستان محکمہ صحت نے قواعد و ضوابط کی خلاف ورزی، ہڑتال اور نظم و ضبط کی پامالی پر سخت کارروائی کرتے ہوئے 23 ڈاکٹروں کو معطل جبکہ 25 افسران کو شوکاز نوٹس جاری کر دیے ہیں۔

معاون وزیر اعلیٰ بلوچستان برائے سیاسی و میڈیا امور شاہد رند نے کہا ہے کہ انسانی جانوں سے وابستہ اداروں میں ہڑتال اور عوامی خدمات میں تعطل کسی صورت برداشت نہیں کیا جا سکتا، اور عدالتی احکامات کے مطابق ایسے اقدامات غیر قانونی ہیں۔

انہوں نے بتایا کہ 5 ٹرینی ڈاکٹروں کی پوسٹ گریجویٹ تربیتی رجسٹریشن بھی معطل کر دی گئی ہے اور ان کے خلاف انکوائری شروع کر دی گئی ہے۔

شاہد رند کے مطابق صوبے کے تمام سرکاری اسپتال معمول کے مطابق کھلے ہیں اور طبی عملہ اپنی ڈیوٹی سرانجام دے رہا ہے۔ عوام کو ہدایت کی گئی ہے کہ وہ علاج معالجے کے لیے بلا خوف و خطر اسپتالوں سے رجوع کریں کیونکہ طبی سہولیات جاری ہیں۔

انہوں نے مزید کہا کہ لازمی سروسز سے غیر حاضری پر قانون کے مطابق کارروائی کی جائے گی، جبکہ سیکیورٹی اور انتظامی صورتحال کے جائزے کے لیے ایک اعلیٰ سطحی کمیٹی بھی تشکیل دی گئی ہے۔

حکومت بلوچستان نے واضح کیا ہے کہ صحت کے شعبے میں نظم و ضبط، شفافیت اور عوامی خدمت کو ہر صورت یقینی بنایا جائے گا۔

Keywords : Balochistan Health Department, Doctors Suspension, Hospital Services, Government Action

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands