کوئٹہ میں 7 محرم کا مرکزی جلوس پُرامن طور پر اختتام پذیر، سخت سیکیورٹی انتظامات نافذ

 

کوئٹہ: کوئٹہ میں 7 محرم الحرام کا مرکزی علم، تعزیہ اور ذوالجناح کا جلوس سخت سیکیورٹی انتظامات کے درمیان اپنے مقررہ راستوں سے ہوتا ہوا پُرامن طور پر امام بارگاہ ناصر العزا میں اختتام پذیر ہوگیا۔جلوس امام بارگاہ کلان ہزارہ سے برآمد ہوا اور پرنس روڈ، آرٹ اسکول روڈ، آرچر روڈ، لیاقت بازار، جنکشن چوک اور میکنگی روڈ سے گزرتا ہوا اپنی منزل پر پہنچا۔ عزاداروں نے نوحہ خوانی اور سینہ زنی کے ذریعے شہدائے کربلا کو خراجِ عقیدت پیش کیا۔جلوس کے راستوں پر سبیلوں کا اہتمام کیا گیا جہاں عزاداروں میں پانی، شربت، جوس اور لسی تقسیم کی گئی۔جلوس کے دوران سیکیورٹی کے سخت انتظامات کیے گئے۔ جلوس کے راستوں کو ٹریفک کے لیے بند رکھا گیا، تجارتی مراکز اور دکانیں بند رہیں جبکہ سیکیورٹی کی نگرانی کے لیے سی سی ٹی وی کیمروں سے مسلسل مانیٹرنگ کی گئی۔ شہر میں موبائل فون سروس عارضی طور پر معطل رہی اور دفعہ 144 کے تحت ڈبل سواری پر پابندی نافذ رہی۔پولیس اور دیگر قانون نافذ کرنے والے اداروں نے جلوس کے دوران امن و امان برقرار رکھا اور جلوس کسی ناخوشگوار واقعے کے بغیر اختتام پذیر ہوگیا۔

Keywords : Muharram Procession, Quetta Security, Ashura Mourning, Balochistan Police

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands