کوئٹہ میں عالمی یومِ ایڈز، بلوچستان ایڈز کنٹرول پروگرام کی جانب سے آگاہی تقریب، ماہرین کا احتیاطی تدابیر پر زور
کوئٹہ: بلوچستان ایڈز کنٹرول پروگرام اور محکمۂ صحت حکومتِ بلوچستان کے زیراہتمام عالمی یومِ ایڈز کے موقع پر کوئٹہ میں ایک پروقار آگاہی تقریب کا انعقاد کیا گیا۔ تقریب میں ڈاکٹرز، علمائے کرام، اساتذہ، یونیسیف اور ڈبلیو ایچ او بلوچستان کے نمائندگان، ڈائریکٹر پبلک ہیلتھ اور شہریوں کی بڑی تعداد نے شرکت کی۔ تقریب کے مہمانِ خصوصی ایڈیشنل سیکرٹری ہیلتھ ثاقب کاکڑ تھے۔ تقریب سے خطاب کرتے ہوئے مقررین نے کہا کہ رواں سال پاکستان میں ایچ آئی وی/ایڈز کے بڑھتے کیسز تشویشناک ہیں۔ ان کا کہنا تھا کہ یہ وائرس کسی بھی فرد کو متاثر کر سکتا ہے، اس لیے احتیاطی تدابیر اور بروقت علاج پر خصوصی توجہ دینا ضروری ہے۔ مقررین نے میڈیا، علمائے کرام، سول سوسائٹی اور صحت کے شعبے سے وابستہ افراد کی ذمہ داری کا ذکر کرتے ہوئے کہا کہ وہ ایڈز سے بچاؤ کے حوالے سے مسلسل عوامی آگاہی فراہم کریں۔عالمی یومِ ایڈز منانے کا مقصد بھی لوگوں کو وائرس، اس کے بچاؤ اور علاج کے طریقہ کار سے آگاہ کرنا ہے۔ تقریب میں ایچ آئی وی سے متاثرہ افراد سے اظہارِ یکجہتی کے لیے کینڈل لائٹ تقریب کا اہتمام کیا گیا، جبکہ ایک منٹ کی خاموشی بھی اختیار کی گئی۔ شرکاء نے اس طرح کے پروگراموں کو ایڈز کے بارے میں معلومات اور آگاہی بڑھانے کے لیے مؤثر اور مثبت قدم قرار دیا۔ تقریب کے اختتام پر ایچ آئی وی سے محفوظ رہنے کے حوالے سے تیار کی گئی کتاب کی رونمائی کی گئی۔ ڈاکٹر ثیرین نوشیروانی نے ایڈیشنل سیکرٹری ہیلتھ ثاقب کاکڑ کو شیلڈ پیش کی، جبکہ مہمانِ خصوصی نے بھی منتظمین اور دیگر اہم شخصیات کو شیلڈز سے نوازا۔
کوئٹہ میں عالمی یومِ ایڈز، بلوچستان ایڈز کنٹرول پروگرام کی جانب سے آگاہی تقریب، ماہرین کا احتیاطی تدابیر پر زور
کوئٹہ: بلوچستان ایڈز کنٹرول پروگرام اور محکمۂ صحت حکومتِ بلوچستان کے زیراہتمام عالمی یومِ ایڈز کے موقع پر کوئٹہ میں ایک پروقار آگاہی تقریب کا انعقاد کیا گیا۔ تقریب میں ڈاکٹرز، علمائے کرام، اساتذہ، یونیسیف اور ڈبلیو ایچ او بلوچستان کے نمائندگان، ڈائریکٹر پبلک ہیلتھ اور شہریوں کی بڑی تعداد نے شرکت کی۔
تقریب کے مہمانِ خصوصی ایڈیشنل سیکرٹری ہیلتھ ثاقب کاکڑ تھے۔
تقریب سے خطاب کرتے ہوئے مقررین نے کہا کہ رواں سال پاکستان میں ایچ آئی وی/ایڈز کے بڑھتے کیسز تشویشناک ہیں۔ ان کا کہنا تھا کہ یہ وائرس کسی بھی فرد کو متاثر کر سکتا ہے، اس لیے احتیاطی تدابیر اور بروقت علاج پر خصوصی توجہ دینا ضروری ہے۔
مقررین نے میڈیا، علمائے کرام، سول سوسائٹی اور صحت کے شعبے سے وابستہ افراد کی ذمہ داری کا ذکر کرتے ہوئے کہا کہ وہ ایڈز سے بچاؤ کے حوالے سے مسلسل عوامی آگاہی فراہم کریں۔عالمی یومِ ایڈز منانے کا مقصد بھی لوگوں کو وائرس، اس کے بچاؤ اور علاج کے طریقہ کار سے آگاہ کرنا ہے۔
تقریب میں ایچ آئی وی سے متاثرہ افراد سے اظہارِ یکجہتی کے لیے کینڈل لائٹ تقریب کا اہتمام کیا گیا، جبکہ ایک منٹ کی خاموشی بھی اختیار کی گئی۔
شرکاء نے اس طرح کے پروگراموں کو ایڈز کے بارے میں معلومات اور آگاہی بڑھانے کے لیے مؤثر اور مثبت قدم قرار دیا۔
تقریب کے اختتام پر ایچ آئی وی سے محفوظ رہنے کے حوالے سے تیار کی گئی کتاب کی رونمائی بھی کی گئی۔
ڈاکٹر ثیرین نوشیروانی نے ایڈیشنل سیکرٹری ہیلتھ ثاقب کاکڑ کو شیلڈ پیش کی، جبکہ مہمانِ خصوصی نے بھی منتظمین اور دیگر اہم شخصیات کو شیلڈز سے نوازا۔
Related News
.jpeg)
