ایئرسیال نے کراچی–کوئٹہ پروازوں کا آغاز کر دیا

ایئرسیال نے کراچی–کوئٹہ پروازوں کا آغاز کر دیا

رپورٹ: سیدہ نتاشا

ایئرسیال ایئرلائن نے کراچی اور کوئٹہ کے درمیان دونوں طرفہ پروازیں باقاعدہ شروع کر دی ہیں۔ اس سلسلے میں ایئرسیال ہفتے میں تین پروازیں پیر، بدھ اور جمعہ کے روز آپریٹ کرے گی۔
افتتاحی پرواز ایئرسیال 161 گزشتہ روز دوپہر 03:15 بجے 180 مسافروں کے ساتھ کوئٹہ انٹرنیشنل ایئرپورٹ پر لینڈ ہوئی، جبکہ واپسی کی پرواز بعد ازاں کراچی کے لیے روانہ ہو گئی۔
پروازوں کے آغاز کے موقع پر کوئٹہ ایئرپورٹ پر ایک افتتاحی تقریب بھی منعقد کی گئی جس میں ایئرپورٹ مینیجر ملک وحید عباس، ایئرپورٹس سیکیورٹی فورس (ASF) کے چیف سیکیورٹی آفیسر، ملکی و غیر ملکی ایئرلائنز کے اسٹیشن مینیجرز، ایئرسیال کے حکام اور دیگر متعلقہ اسٹیک ہولڈرز نے شرکت کی۔

ایئرپورٹ مینیجر ملک وحید عباس نے پاکستان ایئرپورٹس اتھارٹی (PAA) کی اعلیٰ انتظامیہ کی جانب سے ایئرسیال کی انتظامیہ کا شکریہ ادا کیا اور درخواست کی کہ لاہور اور اسلام آباد سے بھی کوئٹہ کے لیے پروازیں متعارف کرائی جائیں تاکہ آپریشنز کو مزید وسعت دی جا سکے۔
ایوی ایشن ذرائع کے مطابق کوئٹہ انٹرنیشنل ایئرپورٹ پر مسافروں کی گنجائش وافر ہے اور پروازوں میں اضافے کے لیے تمام ضروری فضائی اور تکنیکی سہولیات مکمل طور پر دستیاب ہیں۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands