لورالائی کے علاقے میختر میں پوست کی کاشت کے خلاف آپریشن

رپورٹ: سیدہ نتاشا

حکومتِ بلوچستان اور وزیراعلیٰ بلوچستان جناب سرفراز بگٹی کے وژن کے تحت کمشنر لورالائی ڈویژن ولی محمد بڑیچ اور ڈپٹی کمشنر لورالائی میران بلوچ کی خصوصی ہدایات پر اسسٹنٹ کمشنر لورالائی ندیم اکرم کی قیادت میں تحصیل میختر کے علاقوں تودہ چنا اور کچ چاخی میں پوست (تاریک) کی کاشت کے خلاف بھرپور آپریشن کیا گیا۔

آپریشن کے دوران ضلعی انتظامیہ، ایف سی میختر فورس اور اینٹی نارکوٹکس فورس نے مشترکہ کارروائی کرتے ہوئے 22 ایکڑ رقبے پر کاشت کی گئی پوست کی فصل کو ٹریکٹر چلا کر اور بعض حصوں کو نذرِ آتش کر کے مکمل طور پر تلف کر دیا۔
اس موقع پر اسسٹنٹ کمشنر لورالائی ندیم اکرم نے کہا کہ منشیات ایک سماجی ناسور ہے جس کے خاتمے تک کارروائیاں جاری رہیں گی، اور آئندہ دنوں میں ان آپریشنز میں مزید تیزی لائی جائے گی۔ انہوں نے واضح کیا کہ منشیات کی کاشت اور کاروبار کسی صورت برداشت نہیں کیا جائے گا۔
ضلعی انتظامیہ لورالائی نے اس عزم کا اعادہ کیا کہ زیرو ٹالرنس پالیسی کے تحت منشیات کے خاتمے کے لیے کارروائیاں آئندہ بھی بلا تعطل جاری رہیں گی۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands