وزیراعلیٰ بلوچستان میر سرفراز بگٹی کے ویژن کے تحت کچلاک تا سریاب گرین ٹرین سروس کے آغاز کے لیے اقدامات تیز

کوئٹہ: وزیراعلیٰ بلوچستان میر سرفراز بگٹی کے ویژن کے تحت کچلاک سے سریاب تک پیپلز گرین ٹرین سروس کے آغاز کے لیے محکمہ ٹرانسپورٹ بلوچستان نے عملی اقدامات تیز کر دیے ہیں تاکہ عوام کو جدید، سستی اور آرام دہ سفری سہولیات فراہم کی جا سکیں۔

اس سلسلے میں سیکرٹری ٹرانسپورٹ حکومت بلوچستان نے کیرج فیکٹری اسلام آباد کا دورہ کیا، جہاں انہوں نے منیجنگ ڈائریکٹر (ایم ڈی) کیرج فیکٹری سے ملاقات کی اور مجوزہ ٹرین سروس سے متعلق انتظامات کا تفصیلی جائزہ لیا۔

دورے کے دوران سیکرٹری ٹرانسپورٹ نے ان ریلوے بوگیوں کا بھی معائنہ کیا جو کچلاک تا سریاب گرین ٹرین سروس کے لیے خصوصی طور پر تیار کی جا رہی ہیں۔ حکام کے مطابق بوگیوں کی تیاری آخری مراحل میں داخل ہو چکی ہے۔

محکمہ ٹرانسپورٹ بلوچستان کا کہنا ہے کہ تمام انتظامات مکمل ہونے کے بعد کچلاک سے سریاب تک گرین ٹرین سروس کا باقاعدہ آپریشن جلد شروع کر دیا جائے گا، جس سے شہریوں کو محفوظ، معیاری اور کم لاگت سفری سہولت میسر آئے گی۔

محکمہ ٹرانسپورٹ کے مطابق صوبے بھر میں پبلک ٹرانسپورٹ کے نظام کو جدید خطوط پر استوار کرنے اور عوام کو بہتر سفری سہولیات کی فراہمی کے لیے اقدامات تیزی سے جاری ہیں۔

 

 

 

 

 

 

Keywords: Sarfraz Bugti,Green Train Service,Balochistan Transport,Kuchlak to Sariab Train

CM Bugti Urges Youth to Reject Terrorism During ISPR Summer Camp Session

High-Level Committee Formed to Resolve Revenue and Land Issues in Kach Mangi

Government Schools and Police Stations in Ziarat to Be Renamed After Police Martyrs

CM Balochistan Seeks Summary to Revise Compensation for Police Martyrs' Families

Digital Complaint Portal Ensures Swift Action on Public Grievances in Balochistan

CM Balochistan Congratulates Women on Successful Completion of Entrepreneurship Program