بلوچستان اسمبلی میں مرحوم صحافی راجہ مطلوب کے لیے دعا، امن و امان کی صورتحال پر بحث

رپورٹ: سیدہ نتاشا
 بلوچستان اسمبلی کے اجلاس میں جمعہ کے روز سینئر صحافی اور سوشل میڈیا ایکٹیوسٹ راجہ مطلوب طاہر کی مغفرت اور ایصالِ ثواب کے لیے دعا کی گئی۔ صوبائی اسمبلی کا اجلاس شروع ہوتے ہی پاکستان مسلم لیگ کے رکن صوبائی اسمبلی زرک خان مندوخیل نے مرحوم کی روح کے ایصالِ ثواب کے لیے دعا کی درخواست کی، جس پر ایوان میں اجتماعی دعا کی گئی۔
اس موقع پر وزیر اعلیٰ بلوچستان میر سرفراز احمد بگٹی نے سینئر صحافی اور سوشل میڈیا ایکٹیوسٹ راجہ مطلوب طاہر کو خراجِ عقیدت پیش کرتے ہوئے کہا کہ مرحوم نہ صرف ان کے قریبی دوست تھے بلکہ بلوچستان سے متعلق سوشل میڈیا کی ایک متحرک ٹیم کے انچارج بھی تھے۔ وزیر اعلیٰ کا کہنا تھا کہ راجہ مطلوب طاہر نے بھرپور، بامقصد اور متحرک صحافتی زندگی گزاری اور صوبے کے مسائل کو مؤثر انداز میں اجاگر کیا۔

وزیر اعلیٰ بلوچستان نے بتایا کہ مرحوم ایک ہفتے کے لیے معروف ٹی وی پروگرام کی ریکارڈنگ کے سلسلے میں بلوچستان میں موجود تھے اور افسوسناک حادثے سے محض آدھا گھنٹہ قبل ان کی مرحوم سے گفتگو بھی ہوئی تھی۔ انہوں نے حادثے کی تفصیل بتاتے ہوئے کہا کہ اسلام آباد میں سڑک پر نصب ڈیوائیڈر سے گاڑی ٹکرانے کے نتیجے میں راجہ مطلوب طاہر خالقِ حقیقی سے جا ملے، جس سے صحافتی حلقوں اور بلوچستان بھر میں گہرے رنج و غم کی لہر دوڑ گئی۔
وزیر اعلیٰ نے کہا کہ بلوچستان اسمبلی مرحوم کے اہلِ خانہ کے ساتھ بھرپور اظہارِ یکجہتی کرتی ہے اور لواحقین کے غم میں برابر کی شریک ہے۔ انہوں نے دعا کی کہ اللہ تعالیٰ مرحوم کو اپنی جوارِ رحمت میں جگہ عطا فرمائے اور سوگوار خاندان کو یہ صدمہ برداشت کرنے کا حوصلہ دے۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands