بلوچستان بورڈ نے میٹرک سالانہ امتحانات 2026 کے نتائج کا اعلان کردیا
بلوچستان بورڈ آف انٹرمیڈیٹ اینڈ سیکنڈری ایجوکیشن نے میٹرک سالانہ امتحانات 2026 کے نتائج کا اعلان کردیا۔ نویں جماعت میں کامیابی کا تناسب 73.56 فیصد جبکہ دسویں جماعت میں 89.32 فیصد رہا۔ بلوچستان ریذیڈینشل کالج لورالائی کے طالب علم احمد نے 1051 نمبر حاصل کرکے پہلی پوزیشن حاصل کی، جبکہ مطیع اللہ دوسرے اور یونس خان و محمد مدثر مشترکہ طور پر تیسرے نمبر پر رہے۔ نتائج کے اعلان کے بعد طلبہ اور والدین میں خوشی کی لہر دوڑ گئی۔
بلوچستان بورڈ آف انٹرمیڈیٹ اینڈ سیکنڈری ایجوکیشن کے چیئرمین محمد اسحاق اور ڈاکٹر ضیاء الحق کاکڑ کنٹرولر امتحانات نے میٹرک کے سالانہ امتحانات 2026 کے نتائج کا اعلان کر دیا ۔
رپورٹ: عروبہ
بورڈ اعلامیے کے مطابق نویں جماعت کے امتحان میں 68 ہزار 517 امیدواروں نے حصہ لیا جن میں سے 50 ہزار 400 امیدوار کامیاب قرار پائے، جبکہ کامیابی کا تناسب 73 اعشاریہ 56 فیصد رہا۔ دسویں جماعت کے امتحان میں 77 ہزار 251 امیدوار شریک ہوئے جن میں 69 ہزار 2 طلبہ و طالبات نے کامیابی حاصل کی، جبکہ کامیابی کا تناسب 89 اعشاریہ 32 فیصد ریکارڈ کیا گیا۔ میٹرک امتحانات میں بلوچستان ریذیڈینشل کالج لورالائی کے طالب علم احمد نے 1051 نمبر حاصل کرکے پہلی پوزیشن اپنے نام کی۔ بی آر سی ژوب کے طالب علم مطیع اللہ نے 1050 نمبرز کے ساتھ دوسری پوزیشن حاصل کی۔ بی آر سی لورالائی کے طلبہ یونس خان اور محمد مدثر نے 1046 نمبر حاصل کرکے مشترکہ طور پر تیسری پوزیشن حاصل کی۔ نتائج کے اعلان کے بعد کامیاب طلبہ و طالبات اور ان کے والدین میں خوشی کی لہر دوڑ گئی، جبکہ مختلف تعلیمی حلقوں نے نمایاں پوزیشن حاصل کرنے والے طلبہ کو مبارکباد پیش کی۔
key words: Balochistab Board result, Matric result, Quetta news, Balochistan news
Related News
Empowering Youth Through Technology: PM Laptop Scheme Phase-IV Continues Across Balochistan
Balochistan Students Participate in International Kangaroo Math Competition for the First Time
Education on Wheels: Book Vans and Science Rides Transform Learning in Balochistan
All Government Schools in Gwadar District Made Functional, Major Progress in Education Reforms
gwadar university event
socioeconomic department