بلوچستان میں کم بی ٹی یو گیس پلانٹس کی تنصیب کا فیصلہ، وزیر اعلیٰ میر سرفراز بگٹی کی زیر صدارت اجلاس

رپورٹ: سیدہ نتاشا

 وزیر اعلیٰ بلوچستان میر سرفراز بگٹی کی زیر صدارت ایک اہم اجلاس منعقد ہوا جس میں صوبے میں کم بی ٹی یو گیس پلانٹس کی کمرشل بنیادوں پر تنصیب کا فیصلہ کیا گیا۔ اجلاس میں قلات کے علاقے مارگند اور سوئی کے زن گیس فیلڈ پر صنعتی پلانٹس لگانے کی تجویز پر تفصیلی غور کیا گیا۔

اجلاس کو بریفنگ دیتے ہوئے بتایا گیا کہ کم بی ٹی یو گیس کے موثر استعمال سے فرٹیلائزر، سیمنٹ، توانائی اور سیرامکس جیسی صنعتوں کے قیام کے وسیع امکانات موجود ہیں، جو صوبے کی صنعتی ترقی میں اہم کردار ادا کریں گے۔
اجلاس میں یہ بھی فیصلہ کیا گیا کہ کم بی ٹی یو گیس منصوبوں کے لیے سرمایہ کار کمپنیوں سے ایکسپریشن آف انٹرسٹ طلب کیے جائیں گے تاکہ نجی شعبے کی شمولیت کو یقینی بنایا جا سکے۔ وزیر اعلیٰ بلوچستان میر سرفراز بگٹی نے ہدایت کی کہ سرمایہ کار کمپنیاں مقامی ہنرمند افراد کو روزگار کی فراہمی میں ترجیح دیں۔
وزیر اعلیٰ نے کہا کہ ان صنعتی منصوبوں سے نہ صرف روزگار کے نئے مواقع پیدا ہوں گے بلکہ صوبے کے ٹیکس ریونیو میں بھی نمایاں اضافہ ہوگا، جو بلوچستان کی پائیدار معاشی ترقی کی جانب ایک اہم قدم ثابت ہوگا۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands