لاہور حادثہ: 15 بچوں کی ہلاکت پر وزیراعلیٰ بلوچستان کا گہرے دکھ اور افسوس کا اظہار

کوئٹہ: وزیراعلیٰ بلوچستان میر سرفراز بگٹی نے لاہور میں پیش آنے والے افسوسناک حادثے میں 15 بچوں کے جاں بحق ہونے پر گہرے دکھ اور افسوس کا اظہار کیا ہے۔

اپنے تعزیتی بیان میں وزیراعلیٰ نے کہا کہ لاہور میں اندوہناک حادثے کے نتیجے میں 15 معصوم بچوں کی ناگہانی موت پر دل انتہائی رنجیدہ ہے۔ انہوں نے کہا کہ غم کی اس گھڑی میں حکومت بلوچستان اور صوبے کے عوام سوگوار خاندانوں کے ساتھ کھڑے ہیں اور ان کے دکھ میں برابر کے شریک ہیں۔

وزیراعلیٰ نے مرحوم بچوں کے لیے مغفرت اور بلند درجات کی دعا کرتے ہوئے کہا کہ اللہ تعالیٰ جاں بحق بچوں کو اپنی جوارِ رحمت میں جگہ عطا فرمائے اور سوگوار والدین کو یہ ناقابلِ تلافی صدمہ صبر و ہمت کے ساتھ برداشت کرنے کی توفیق دے۔ آمین۔

Keywords : Lahore Tragedy, Sarfraz Bugti, Condolence Message, Child Fatalities