بلوچستان میں 28 ارب روپے مالیت کی ضبط شدہ منشیات اور غیر ملکی شراب تلف

کوئٹہ: ڈائریکٹر جنرل ایکسائز اینڈ اینٹی نارکوٹکس بلوچستان محمد زمان نے کہا ہے کہ منشیات کے خاتمے کے لیے بلوچستان حکومت مؤثر اقدامات کر رہی ہے اور پاکستان عالمی برادری کے ساتھ مل کر منشیات کے ناسور کے خلاف بھرپور جدوجہد جاری رکھے ہوئے ہے۔

 

عالمی یوم انسدادِ منشیات کے موقع پر جاری اپنے بیان میں انہوں نے کہا کہ وزیراعلیٰ بلوچستان میر سرفراز بگٹی، چیف سیکرٹری شکیل قادر خان اور سیکرٹری ایکسائز سید ظفر علی بخاری کی ہدایات پر محکمہ ایکسائز اینڈ اینٹی نارکوٹکس نے ضبط شدہ منشیات اور غیر ملکی شراب کی بڑی کھیپ تلف کر دی۔

محمد زمان کے مطابق تلف کیے گئے سامان میں 18 ہزار بوتلیں غیر ملکی شراب، 200 کلوگرام آئس (کرسٹل میتھ) اور 600 کلوگرام چرس شامل تھیں، جن کی بین الاقوامی مارکیٹ میں مجموعی مالیت تقریباً 28 ارب روپے ہے۔

انہوں نے کہا کہ محکمہ ایکسائز اینڈ اینٹی نارکوٹکس بلوچستان نوجوان نسل کو منشیات کی تباہ کاریوں سے محفوظ رکھنے کے لیے اپنی کارروائیاں مزید مؤثر بنائے گا۔ ان کا کہنا تھا کہ حکومت محکمہ کو مزید فعال اور مضبوط بنانے کے لیے اقدامات جاری رکھے ہوئے ہے تاکہ معاشرے کو منشیات سے پاک بنانے کا مقصد حاصل کیا جا سکے۔

 Anti-Narcotics, Muhammad Zaman, Balochistan Excise, Drug Enforcement

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands