بلوچستان شدید موسمی ہنگامی صورتحال کی زد میں، حکومت ریسکیو و ریلیف میں مکمل متحرک

رپورٹ: سیدہ نتاشا

وزیر اعلیٰ بلوچستان میر سرفراز بگٹی نے کہا ہے کہ بلوچستان اس وقت شدید موسمی ہنگامی صورتحال کا سامنا کر رہا ہے، جس کے باعث صوبائی حکومت کی پوری مشینری ریسکیو اور ریلیف آپریشنز میں مصروف ہے۔ ان کا کہنا تھا کہ انسانی جانوں کا تحفظ اور متاثرہ علاقوں تک امدادی سامان کی بروقت فراہمی حکومت کی اولین ترجیح ہے۔
وزیر اعلیٰ نے واضح کیا کہ بحران کے اس نازک مرحلے پر احتجاج اور سڑکوں کی بندش کسی صورت سیاست نہیں بلکہ انسانی جانوں کو خطرے میں ڈالنے کے مترادف ہے۔ ان کے مطابق روڈ بلاکجز ریسکیو اور امدادی سرگرمیوں کو سبوتاژ کرنے کے برابر ہیں، جس سے مشکلات میں مزید اضافہ ہو سکتا ہے۔

میر سرفراز بگٹی نے کہا کہ سیاسی اختلافات بعد میں بھی کیے جا سکتے ہیں لیکن عوام کی جانیں انتظار نہیں کر سکتیں۔ صوبائی حکومت عوام کے تحفظ سے کسی صورت توجہ ہٹانے کی اجازت نہیں دے گی اور ہر ممکن وسائل بروئے کار لائے جا رہے ہیں۔
انہوں نے تمام سیاسی اور سماجی قوتوں پر زور دیا کہ وہ ذمہ داری کا مظاہرہ کریں اور حکومت کے ساتھ مکمل تعاون کریں۔ وزیر اعلیٰ کا کہنا تھا کہ اس وقت سب سے اہم ترجیح عوام کی جان بچانا ہے، لہٰذا رکاوٹ بننے کے بجائے عوام کے شانہ بشانہ کھڑا ہونا وقت کی ضرورت ہے۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands