بلوچستان فوڈ اتھارٹی کا سیوریج کے پانی سے کاشت سبزیوں کے خلاف کریک ڈاؤن، 43 ایکڑ پر فصلیں تلف

کوئٹہ: بلوچستان فوڈ اتھارٹی نے سیوریج کے پانی سے کاشت کی جانے والی مضر صحت سبزیوں کے خلاف خصوصی کریک ڈاؤن جاری رکھتے ہوئے کوئٹہ کے مختلف علاقوں میں کامیاب کارروائی کے دوران تقریباً 43 ایکڑ رقبے پر موجود آلودہ فصلیں تلف کر دیں۔

بلوچستان فوڈ اتھارٹی کے ترجمان کے مطابق مرحلہ وار کارروائیوں کے دوران سریاب، کلی جیو اور کشمیر آباد میں فوڈ سیفٹی ٹیموں نے سیوریج کے پانی سے کاشت کی گئی مختلف سبزیوں کو موقع پر ہی تلف کر دیا۔ تلف کی جانے والی سبزیوں میں پودینہ، اسپرنگ اونین، سلاد اور جامنی مولی شامل ہیں، جنہیں انسانی صحت کے لیے انتہائی مضر قرار دیا گیا۔

ترجمان نے بتایا کہ فوڈ سیفٹی ٹیموں نے آلودہ پانی کی فراہمی کے ذرائع کی تصدیق کے بعد کارروائی کرتے ہوئے نہ صرف مضر صحت سبزیوں کو مارکیٹ تک پہنچنے سے روک دیا بلکہ عوامی صحت کے تحفظ کے لیے کاشت میں استعمال ہونے والے سیوریج کے تمام راستے بھی بند کر دیے۔

انہوں نے کہا کہ ڈائریکٹر جنرل بلوچستان فوڈ اتھارٹی کی ہدایات پر خصوصی انفورسمنٹ آپریشن کامیابی سے جاری ہے، جبکہ ڈائریکٹر آپریشنز اور ڈپٹی ڈائریکٹر آپریشنز کی نگرانی میں فوڈ سیفٹی ٹیمیں گزشتہ دو ہفتوں سے مسلسل مختلف علاقوں میں کارروائیاں کر رہی ہیں۔

بلوچستان فوڈ اتھارٹی نے اس عزم کا اعادہ کیا ہے کہ عوام کو محفوظ اور معیاری خوراک کی فراہمی یقینی بنانے کے لیے مضر صحت خوراک اور غیر قانونی طریقوں کے خلاف بلاامتیاز کریک ڈاؤن جاری رکھا جائے گا۔

 

Keywords : Balochistan Food Authority, Food Safety, Sewage Water, Enforcement Operation

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands