بلوچستان فوڈ اتھارٹی میں جدید ڈیجیٹل مانیٹرنگ سسٹمز کا آغاز

رپورٹ: سیدہ نتاشا

بلوچستان میں خوراک کے معیار کو یقینی بنانے اور نگرانی کے نظام کو مزید مؤثر بنانے کے لیے بلوچستان فوڈ اتھارٹی میں جدید ڈیجیٹل سسٹمز متعارف کرا دیے گئے ہیں۔ صوبائی وزیر خوراک و چیئرمین بلوچستان فوڈ اتھارٹی حاجی نور محمد دمڑ نے کوئٹہ میں بلوچستان فوڈ اتھارٹی کے ہیڈکوارٹر میں لائیو آپریشن مانیٹرنگ سسٹم اور ڈیجیٹل فائل ٹریکنگ سسٹم کا باقاعدہ افتتاح کیا۔
اس موقع پر صوبائی وزیر کا کہنا تھا کہ وزیر اعلیٰ بلوچستان کے وژن کے مطابق یہ اصلاحات متعارف کرائی جا رہی ہیں تاکہ عوام کو تیز، شفاف اور معیاری خدمات فراہم کی جا سکیں۔ انہوں نے کہا کہ جدید ٹیکنالوجی کے مؤثر استعمال سے فوڈ سیفٹی کے نظام کو مزید مضبوط بنایا جائے گا۔
تقریب کے دوران ڈائریکٹر جنرل بلوچستان فوڈ اتھارٹی وقار خورشید عالم نے لائیو آپریشن مانیٹرنگ سسٹم اور ڈیجیٹل فائل ٹریکنگ سسٹم پر تفصیلی بریفنگ دی۔ صوبائی وزیر نے ڈیجیٹل اصلاحات کے بروقت نفاذ پر افسران کی کارکردگی کو سراہتے ہوئے کہا کہ ان اقدامات سے عوام کو محفوظ اور صحت بخش خوراک کی فراہمی میں مدد ملے گی۔

Twin Earthquakes Hit Barkhan and Nearby Areas, Three Injured

International Camel Conference Concludes at LUAWMS, Experts Stress Research for Climate Resilience

CM Balochistan, Corps Commander Review Ashura Security Arrangements at CPO Quetta

Balochistan CM Reviews Muharram Security Arrangements, Orders Strict Implementation of Safety Plan

Over 32,000 Security Personnel Deployed Across Balochistan for Ashura Processions

Quetta Ashura Procession Held Under Tight Security with Aerial Surveillance and Robotic Monitoring