حکومتِ بلوچستان کا پسنی فش ہاربر کو مکمل طور پر فعال بنانے کا فیصلہ

رپورٹ: سیدہ نتاشا

 حکومتِ بلوچستان نے پسنی فش ہاربر کو مکمل طور پر فعال بنانے کا فیصلہ کر لیا ہے۔ اس حوالے سے وزیر اعلیٰ بلوچستان میر سرفراز بگٹی کی زیر صدارت ایک اہم اجلاس منعقد ہوا جس میں سیکرٹری فشریز طارق قمر اور دیگر متعلقہ حکام نے بریفنگ دی۔

اجلاس میں فش ہاربر کی موجودہ صورتحال، درپیش چیلنجز اور بحالی کے مختلف پہلوؤں کا تفصیلی جائزہ لیا گیا۔ وزیر اعلیٰ نے منصوبے کو قابلِ عمل بنانے کے لیے جامع فزیبلٹی رپورٹ مئی تک پیش کرنے کی ہدایت جاری کی۔
میر سرفراز بگٹی نے واضح کیا کہ غیر قانونی ٹرالنگ کسی صورت برداشت نہیں کی جائے گی اور ماہی گیروں کے حقوق کا ہر حال میں تحفظ یقینی بنایا جائے گا۔ انہوں نے کہا کہ پسنی فش ہاربر کی بحالی سے نہ صرف مقامی ماہی گیر برادری کو فائدہ ہوگا بلکہ علاقے کی معیشت کو بھی نمایاں فروغ ملے گا اور روزگار کے نئے مواقع پیدا ہوں گے۔
اجلاس میں رکن صوبائی اسمبلی گوادر مولانا ہدایت الرحمٰن، چیف سیکرٹری بلوچستان شکیل قادر خان، ایڈیشنل چیف سیکرٹری ترقیات و منصوبہ بندی زاہد سلیم اور ایڈیشنل چیف سیکرٹری داخلہ حمزہ شفقات نے بھی شرکت کی۔
حکومت نے اس عزم کا اعادہ کیا کہ ساحلی علاقوں کی ترقی اور ماہی گیری کے شعبے کی بہتری کے لیے عملی اقدامات جاری رکھے جائیں گے۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands