زیارت کے شہید پولیس اہلکاروں کے لواحقین کے لیے فی کس ایک کروڑ 11 لاکھ روپے معاوضے کے ریلیز آرڈر جاری

کوئٹہ: وزیراعلیٰ بلوچستان میر سرفراز بگٹی کی ہدایت پر ضلع زیارت میں شہید ہونے والے پولیس اہلکاروں کے لواحقین کو فی کس ایک کروڑ 11 لاکھ روپے معاوضے کی ادائیگی کے ریلیز آرڈر جاری کر دیے گئے ہیں۔

معاون وزیراعلیٰ بلوچستان برائے اطلاعات و سیاسی امور شاہد رند نے اپنے بیان میں کہا کہ وزیراعلیٰ کی خصوصی ہدایت پر تمام شہداء کے لواحقین کو ان کی دہلیز پر معاوضے کی ادائیگی یقینی بنائی جا رہی ہے تاکہ متاثرہ خاندانوں کو فوری ریلیف فراہم کیا جا سکے۔ انہوں نے کہا کہ معاوضوں کی ادائیگی کے لیے تمام انتظامی اور مالی کارروائی انتہائی تیز رفتاری سے مکمل کی گئی۔

شاہد رند نے کہا کہ حکومت بلوچستان شہداء کے خاندانوں کی کفالت، اہل خانہ کی فلاح و بہبود اور شہداء کے بچوں کے تمام تعلیمی اخراجات برداشت کرے گی۔ ان کا کہنا تھا کہ مالی معاوضہ کسی انسانی جان کا نعم البدل نہیں ہو سکتا، تاہم حکومت اس مشکل گھڑی میں شہداء کے لواحقین کے ساتھ کھڑی ہے اور ہر ممکن تعاون کا سلسلہ آئندہ بھی جاری رکھا جائے گا۔

 

Keywords : Ziarat Police, Compensation, Sarfraz Bugti, Shahid Rind

CM Bugti Urges Youth to Reject Terrorism During ISPR Summer Camp Session

High-Level Committee Formed to Resolve Revenue and Land Issues in Kach Mangi

Government Schools and Police Stations in Ziarat to Be Renamed After Police Martyrs

CM Balochistan Seeks Summary to Revise Compensation for Police Martyrs' Families

Digital Complaint Portal Ensures Swift Action on Public Grievances in Balochistan

CM Balochistan Congratulates Women on Successful Completion of Entrepreneurship Program