بلوچستان میں نوجوان انجینئرز کے لیے عالمی معیار کا تربیتی پروگرام شروع

رپورٹ: سیدہ نتاشا

 حکومت بلوچستان نے پاکستان انجینئرنگ کونسل کے ساتھ شراکت داری کرتے ہوئے نوجوان انجینئرز کے لیے عالمی معیار کی منظم پیشہ ورانہ تربیت فراہم کرنے کا فیصلہ کیا ہے۔
چیف منسٹر سیکرٹریٹ میں ایک سادہ مگر پروقار تقریب میں ایڈیشنل چیف سیکرٹری ترقیات بلوچستان زاہد سلیم اور چئیرمین پاکستان انجینئرنگ کونسل وسیم نذیر نے باہمی سمجھوتے کی دستاویزات پر دستخط کیے۔ اس موقع پر وزیر اعلیٰ بلوچستان میر سرفراز بگٹی کو پروگرام کے حوالے سے تفصیلی بریفنگ دی گئی۔
ٹیکنیکل ہیومن ڈویلپمنٹ پروگرام کے تحت نوجوان انجینئرز کو تربیت اور روزگار کے مواقع فراہم کیے جائیں گے۔ پروگرام کے پہلے بیچ میں تین سو انجینئرز یکم جنوری 2026 سے چھ ماہ کی تربیت حاصل کریں گے اور انہیں ماہانہ پچاس ہزار روپے مشاہرہ دیا جائے گا۔
وزیر اعلیٰ بلوچستان میر سرفراز بگٹی نے کہا کہ حکومت نوجوان انجینئرز کی پیشہ ورانہ استعداد بڑھانے کے لیے بھرپور ادارہ جاتی معاونت فراہم کرے گی۔ انہوں نے مزید کہا کہ صوبے کو جدید مہارتوں سے آراستہ انجینئرز کی اشد ضرورت ہے جو ترقیاتی نظام کو مضبوط بنا سکیں۔
وزیر اعلیٰ نے یقین دہانی کرائی کہ پروگرام نوجوان انجینئرز کے لیے سرکاری شعبے میں عملی تجربے کے نئے مواقع پیدا کرے گا اور میرٹ اور شفافیت کی بنیاد پر بہترین تربیتی مواقع فراہم کیے جائیں گے۔ حکومت بلوچستان انجینئرنگ کے شعبے کو بین الاقوامی معیار کے مطابق ڈھالنے کے لیے پرعزم ہے۔

CM Bugti Urges Youth to Reject Terrorism During ISPR Summer Camp Session

High-Level Committee Formed to Resolve Revenue and Land Issues in Kach Mangi

Government Schools and Police Stations in Ziarat to Be Renamed After Police Martyrs

CM Balochistan Seeks Summary to Revise Compensation for Police Martyrs' Families

Digital Complaint Portal Ensures Swift Action on Public Grievances in Balochistan

CM Balochistan Congratulates Women on Successful Completion of Entrepreneurship Program