بلوچستان رائز پروگرام کے تحت نوجوانوں کے لیے مفت فنی تربیت، بی آر ایس پی اور آئی آر ایم کے درمیان ایم او یو پر دستخط

کوئٹہ: حکومت بلوچستان کے فلیگ شپ ریزیلینس، انٹیگریشن اینڈ سوشو اکنامک ایمپاورمنٹ (رائز) پروگرام کے تحت خاران، واشک، پنجگور، کیچ، آواران اور گوادر کے نوجوانوں کے لیے مفت فنی و پیشہ ورانہ تربیت کے حصول کا ایک اور موقع فراہم کر دیا گیا ہے۔

بلوچستان رورل سپورٹ پروگرام (بی آر ایس پی) کے ذریعے نافذ کیے جانے والے اس پروگرام کے تحت باصلاحیت نوجوانوں (لڑکے اور لڑکیاں) سے ملک بھر کی معروف جامعات اور منظور شدہ تربیتی اداروں میں مفت پیشہ ورانہ مہارتوں کی تربیت کے لیے درخواستیں طلب کی گئی ہیں۔

پروگرام کے تحت منتخب امیدواروں کو مفت تربیت، دورانِ تربیت مفت رہائش اور کھانے کی سہولت فراہم کی جائے گی، جبکہ تربیت مکمل ہونے کے بعد روزگار یا خود روزگار کے لیے مالی اور تکنیکی معاونت بھی دی جائے گی تاکہ نوجوانوں کے لیے ملازمت اور کاروبار کے بہتر مواقع پیدا کیے جا سکیں۔

دریں اثنا، حکومت بلوچستان کے رائز پروگرام کے تحت انسٹی ٹیوٹ آف رورل مینجمنٹ (آئی آر ایم) اور بلوچستان رورل سپورٹ پروگرام (بی آر ایس پی) کے درمیان مفاہمتی یادداشت (ایم او یو) پر بھی دستخط کیے گئے ہیں۔

معاہدے کے مطابق دونوں ادارے ہدفی اضلاع کے نوجوانوں کو مارکیٹ کی ضروریات کے مطابق فنی اور پیشہ ورانہ مہارتوں کی تربیت فراہم کرنے کے لیے مشترکہ طور پر کام کریں گے، جس کا مقصد نوجوان خواتین اور مردوں کے روزگار کے مواقع میں اضافہ، پائیدار ذریعہ معاش کا فروغ اور بلوچستان کی سماجی و معاشی ترقی میں معاونت فراہم کرنا ہے۔

 

Keywords : RISE Programme, Youth Skills Training, BRSP, Technical and Vocational Education 

CM Bugti Urges Youth to Reject Terrorism During ISPR Summer Camp Session

High-Level Committee Formed to Resolve Revenue and Land Issues in Kach Mangi

Government Schools and Police Stations in Ziarat to Be Renamed After Police Martyrs

CM Balochistan Seeks Summary to Revise Compensation for Police Martyrs' Families

Digital Complaint Portal Ensures Swift Action on Public Grievances in Balochistan

CM Balochistan Congratulates Women on Successful Completion of Entrepreneurship Program