بلوچستان کی بیٹی ماہ نور شاہ بلوچ کا بین الاقوامی سطح پر بڑا اعزاز

رپورٹ: سیدہ نتاشا
بلوچستان کی باہمت اور باصلاحیت بیٹی ماہ نور شاہ بلوچ نے عالمی سطح پر اپنے صوبے اور ملک کا نام روشن کرتے ہوئے انٹرنیشنل ہیومن رائٹس ویمن ایوارڈ 2025 اپنے نام کرلیا۔ یہ اعزاز کراچی میں منعقدہ انٹرنیشنل ہیومن رائٹس ڈے کی پروقار تقریب کے دوران انہیں ان کی بہترین سماجی خدمات کے اعتراف میں پیش کیا گیا۔

ماہ نور شاہ بلوچ کا تعلق بلوچستان کے ضلع کیچ (تربت) سے ہے۔ وہ ایک متحرک سماجی کارکن، باصلاحیت صحافی اور خواتین کے حقوق کی مضبوط آواز کے طور پر پہچانی جاتی ہیں۔ خواتین کی تعلیم کے فروغ، گھریلو تشدد اور صنفی بنیاد پر ہونے والے ظلم کے خلاف آواز اٹھانے، اور بنیادی انسانی حقوق کے تحفظ کے لیے ان کی عملی جدوجہد کو بین الاقوامی سطح پر سراہا گیا۔
تقریب میں انسانی حقوق کے نمائندگان، صحافیوں، سماجی تنظیموں اور مختلف شعبوں سے تعلق رکھنے والی شخصیات نے شرکت کی۔ 
انٹرنیشنل ہیومن رائٹس کونسل پاکستان نے ماہ نور شاہ بلوچ کی بے لوث خدمات، ثابت قدمی اور عزم کو سراہتے ہوئے یہ اعزاز پیش کیا، جس کے بعد وہ بلوچستان کی ان چند خواتین میں شامل ہوگئیں جنہوں نے عالمی سطح پر نمایاں مقام حاصل کیا۔
سوشل میڈیا اور عوامی حلقوں میں ماہ نور شاہ بلوچ کو زبردست خراجِ تحسین پیش کیا جا رہا ہے۔ ان کی اس کامیابی کو نہ صرف بلوچستان بلکہ پورے پاکستان کی خواتین کے لیے امید اور حوصلے کی روشن مثال قرار دیا جا رہا ہے۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands