معرکۂ حق ، اتحاد، قربانی اور قومی عزم کی روشن مثال
.jpg)
معرکۂ حق قومی اتحاد، قربانی اور بہادری کی علامت ہے، جس نے پاکستانی قوم کے حوصلے اور حب الوطنی کے جذبے کو مزید مضبوط کیا۔ اس دن کی مناسبت سے بلوچستان سمیت ملک بھر میں تقریبات، ریلیاں اور سیمینارز منعقد کیے جا رہے ہیں جہاں نوجوان نسل کو قومی تاریخ، قربانیوں اور اتحاد کی اہمیت سے آگاہ کیا جا رہا ہے۔
معرکۂ حق پاکستان کی تاریخ کا وہ اہم باب ہے جس نے قوم کو اتحاد، بہادری اور دفاعِ وطن کے جذبے سے سرشار کیا۔ یہ معرکہ صرف جنگی کامیابی نہیں تھا بلکہ یہ حق، سچ اور قومی خودمختاری کے تحفظ کی علامت بن کر سامنے آیا۔
تحریر : عروبہ
جب دشمن نے اپنی طاقت، تعداد اور جدید اسلحے کے غرور میں پاکستان کی سالمیت اور امن کو چیلنج کرنے کوشش کی تو پاکستانی افواج نے بھرپور حکمتِ عملی، جرات اور پیشہ ورانہ مہارت کے ذریعے دشمن کے عزائم کو ناکام بنا دیا۔
پاکستان کی افواج نے دشمن کی جارحیت کا جواب صرف طاقت سے نہیں بلکہ بہترین منصوبہ بندی، بروقت کارروائی اور غیر معمولی حوصلے سے دیا۔ دشمن کو یقین تھا کہ وہ اپنی عددی برتری اور جدید جنگی سازوسامان کی بنیاد پر کامیاب ہو جائے گا، لیکن پاکستانی افواج نے ثابت کیا کہ جنگیں صرف ہتھیاروں سے نہیں بلکہ ایمان، جذبے اور عزم سے جیتی جاتی ہیں۔ پاک فضائیہ نے فضاؤں میں اپنی برتری قائم رکھتے ہوئے دشمن کے کئی اہم اہداف کو نشانہ بنایا جبکہ بری افواج نے سرحدوں پر جرات و بہادری کی نئی مثالیں قائم کیں۔
اس معرکے کے دوران پوری پاکستانی قوم اپنی افواج کے شانہ بشانہ کھڑی رہی۔ ملک بھر میں عوام نے اتحاد، یکجہتی اور حب الوطنی کا عملی مظاہرہ کیا۔ نوجوان، بزرگ، خواتین اور بچے سب اپنے وطن کے دفاع کے لیے دعاگو اور پُرعزم دکھائی دیے۔ یہی قومی اتحاد پاکستان کی اصل طاقت ثابت ہوا جس نے دشمن کے تمام منصوبوں کو ناکام بنا دیا۔
بھارت کو اس معرکے میں سیاسی، سفارتی اور دفاعی سطح پر شدید دباؤ کا سامنا کرنا پڑا جبکہ پاکستان نے دنیا کو یہ پیغام دیا کہ وہ اپنی سرزمین، خودمختاری اور قومی وقار کے دفاع کی مکمل صلاحیت رکھتا ہے۔ اس کامیابی نے نہ صرف پاکستانی عوام کے اعتماد کو مضبوط کیا بلکہ عالمی سطح پر بھی پاکستان کی دفاعی صلاحیتوں کو تسلیم کیا گیا۔
آج معرکۂ حق کی یاد میں ملک بھر کی طرح بلوچستان میں بھی تقریبات، ریلیاں، سیمینارز اور پرچم کشائی کی تقاریب منعقد کی جا رہی ہیں۔ نوجوان نسل اس دن کو قومی فخر کے طور پر منا رہی ہے تاکہ انہیں یہ احساس دلایا جا سکے کہ وطن کی حفاظت قربانی، اتحاد اور حوصلے سے ممکن ہوتی ہے۔ معرکۂ حق ہمیشہ پاکستانی قوم کے لیے جرات، استقلال اور فتح کی علامت رہے گا۔
Keywords: Marka E Haq, Bunyan ul Marsoos, Balochistan news, Quetta news
Related News
