بلوچستان میں صحت کے شعبے میں بڑی پیش رفت، بلاول بھٹو زرداری 11 اہم منصوبوں کا افتتاح کریں گے
پاکستان پیپلزپارٹی کے چیئرمین بلاول بھٹو زرداری کل کوئٹہ میں شعبہ صحت سے متعلق 11 اہم منصوبوں کا افتتاح کریں گے۔ ان منصوبوں میں جدید ٹراما سینٹر، ایئر ایمبولینس سروس، بنیادی صحت مراکز کی بحالی، ہیلتھ انشورنس، حفاظتی ٹیکہ جات، ڈیجیٹل ہیلتھ سسٹم اور ٹی بی علاج مراکز شامل ہیں، جن کا مقصد بلوچستان میں عوام کو بہتر اور فوری طبی سہولتیں فراہم کرنا ہے۔
پاکستان پیپلزپارٹی کے چیئرمین بلاول بھٹو زرداری کل بروز جمعہ 15 مئی کو صوبہ بلوچستان کے دارالحکومت کوئٹہ میں شعبہ صحت سے متعلق 11 اہم منصوبوں کا افتتاح کریں گے۔
اس سلسلے میں تقریب وزیراعلیٰ ہاؤس بلوچستان میں شام چار بجے منعقد ہوگی، جہاں ہنگامی طبی امداد، ٹراما کیئر، ماں اور بچے کی صحت، بنیادی طبی سہولتوں، حفاظتی ٹیکہ جات، صحت کے جدید ڈیجیٹل نظام، سرکاری ملازمین کی ہیلتھ انشورنس، ٹی بی کے علاج اور دور دراز علاقوں تک فوری طبی رسائی کے نظام کو مزید مضبوط بنانے کے اقدامات پیش کیے جائیں گے۔ افتتاحی منصوبوں میں اسپنی روڈ پر قائم 150 بستروں پر مشتمل جدید ٹراما ایمرجنسی اینڈ رسپانس انسٹیٹیوٹ، بینظیر ایمبولینس سروس، پاکستان کی پہلی صوبائی سرکاری پیپلز ایئر ایمبولینس سروس، خواتین اور بچوں کے لیے باچا خان میموریل اسپتال، بلوچستان بھر میں 164 بنیادی صحت مراکز کی بحالی، سرکاری ملازمین کے لیے ہیلتھ انشورنس پروگرام، حفاظتی ٹیکہ جات کے نظام کی مضبوطی، چائلڈ لائف ایمرجنسی سروسز کی توسیع، ہیلتھ انفارمیشن اینڈ ڈیجیٹلائزیشن یونٹ، پیپلز ویلفیئر پروگرام اور ڈرگ ریزسٹنٹ ٹی بی علاج مراکز شامل ہیں۔ ان منصوبوں کا مقصد بلوچستان میں جدید، فوری اور معیاری طبی سہولتوں کی فراہمی کو یقینی بنانا اور دور دراز علاقوں کے عوام کو صحت کی بہتر سہولیات فراہم کرنا ہے۔
keywords: Bilawal Bhutto Zardari, Balochistan health projects, Balochistan news, Quetta news
Related News
.jpeg)
