کوئٹہ میں دہشت گردوں سے مقابلے کے دوران بہادر پولیس افسر شہید

رپورٹ: محمد خان کاکڑ

کوئٹہ کے علاقے سریاب روڈ پر دہشت گردوں سے مقابلے کے دوران بلوچستان پولیس کے بہادر افسر، ایس ایچ او محمود الرحمن بازئی نے جامِ شہادت نوش کیا۔ شہید افسر کی عمر 28 برس تھی اور انہوں نے پانچ سال قبل پبلک سروس کمیشن کے ذریعے بلوچستان پولیس میں شمولیت اختیار کی تھی۔
خاندانی ذرائع کے مطابق شہید محمود الرحمن کی منگنی گزشتہ سال نومبر میں ہوئی تھی جبکہ عید کے بعد ان کی شادی طے تھی، تاہم وطن کی حفاظت کا فرض نبھاتے ہوئے انہوں نے اپنی جان قربان کر دی اور فرض شناسی کی اعلیٰ مثال قائم کی۔

شہید کے بھائی احمد الرحمن کا کہنا ہے کہ محمود الرحمن کو کتابوں سے بے حد لگاؤ تھا اور ان کا خواب تھا کہ وہ سی ایس ایس کا امتحان پاس کر کے ملک کی مزید خدمت کریں۔ احمد الرحمن نے بتایا کہ انہیں اپنے بھائی کی شہادت پر فخر ہے، جنہوں نے دورانِ ڈیوٹی وطن کے لیے جان کا نذرانہ پیش کیا۔
ان کا مزید کہنا تھا کہ شہید محمود الرحمن ایک خوش مزاج انسان تھے، ہمیشہ مسکراتے رہتے، سب کا خیال رکھتے اور اپنے بڑے بھائی کا بے حد احترام کرتے تھے۔ وہ اپنی زندگی کے تمام معاملات اپنے خاندان سے شیئر کرتے تھے۔
شہید ایس ایچ او محمود الرحمن بازئی نے دہشت گردوں کا ڈٹ کر مقابلہ کیا اور اپنی جان قربان کر کے پولیس فورس اور پوری قوم کا سر فخر سے بلند کر دیا۔ پوری قوم کو پولیس کے اس بہادر سپوت کی عظیم قربانی پر فخر ہے۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands