شبیر بلوچ کیس کا فیصلہ حکومتی مؤقف کی توثیق ہے: سرفراز بگٹی

کوئٹہ: وزیراعلیٰ بلوچستان میر سرفراز بگٹی نے کہا ہے کہ دو سالہ قانونی جدوجہد کے بعد شہید شبیر بلوچ کے قتل کیس میں انصاف فراہم کر دیا گیا ہے اور عدالت کی جانب سے ملزمان کو سزا سنائے جانے سے حکومت بلوچستان کا مؤقف درست ثابت ہوا ہے۔

اپنے بیان میں وزیراعلیٰ بلوچستان نے کہا کہ گوادر میں دورانِ ڈیوٹی شہید ہونے والے شبیر بلوچ کو بی وائے سی کے مشتعل مظاہرین نے ماہ رنگ لانگو کی قیادت میں پتھراؤ کرکے قتل کیا تھا۔ انہوں نے کہا کہ عدالت کی جانب سے ماہ رنگ لانگو اور ان کے ساتھیوں کو سزا سنائے جانے کے بعد یہ ثابت ہوگیا ہے کہ پرامن احتجاج کی آڑ میں قانون ہاتھ میں لینے، تشدد کو فروغ دینے اور ریاستی اہلکاروں کو نشانہ بنانے والے عناصر دراصل دہشت گردی کے سہولت کار ہیں۔

میر سرفراز بگٹی نے شہید شبیر بلوچ کے اہل خانہ سے اظہارِ یکجہتی کرتے ہوئے کہا کہ حکومت بلوچستان ان کے غم میں برابر کی شریک ہے اور انہیں یقین دلاتی ہے کہ شہید کے خون کو رائیگاں نہیں جانے دیا جائے گا۔

وزیراعلیٰ نے اس عزم کا اعادہ کیا کہ بلوچستان میں دہشت گردوں، ان کے ہمدردوں، سہولت کاروں اور حمایتی عناصر کے خلاف ریاست کی کارروائیاں آخری دہشت گرد کے خاتمے تک جاری رہیں گی۔

 

Keywords : Shabir Baloch Case, Sarfraz Bugti, Balochistan Government, Protest Violence

 

 

Twin Earthquakes Hit Barkhan and Nearby Areas, Three Injured

International Camel Conference Concludes at LUAWMS, Experts Stress Research for Climate Resilience

CM Balochistan, Corps Commander Review Ashura Security Arrangements at CPO Quetta

Balochistan CM Reviews Muharram Security Arrangements, Orders Strict Implementation of Safety Plan

Over 32,000 Security Personnel Deployed Across Balochistan for Ashura Processions

Quetta Ashura Procession Held Under Tight Security with Aerial Surveillance and Robotic Monitoring