بیوٹمز میں موسمیاتی تبدیلی پر عالمی سیمینار کا انعقاد ہوگا، گورنر بلوچستان

کوئٹہ: گورنر بلوچستان شیخ جعفر خان مندوخیل نے کہا ہے کہ بلوچستان یونیورسٹی آف انفارمیشن ٹیکنالوجی، انجینئرنگ اینڈ مینجمنٹ سائنسز (بیوٹمز) میں موسمیاتی تبدیلی پر ایک بین الاقوامی سیمینار منعقد کیا جائے گا، جس میں اقوام متحدہ، عالمی ماہرین اور ممتاز سائنس دانوں کی شرکت متوقع ہے۔

گورنر ہاؤس کوئٹہ میں بیوٹمز کے وائس چانسلر پروفیسر ڈاکٹر خالد حفیظ سے ملاقات کے دوران گورنر نے کہا کہ سیمینار کو اقوام متحدہ کے "ڈیکیڈ آن ایکو سسٹم ریسٹوریشن (2021–2030)" سے منسلک کیا جائے گا۔ انہوں نے بتایا کہ کوئٹہ میں جلد موسمیاتی تبدیلی اور مصنوعی ذہانت کے موضوعات پر بین الاقوامی سیمینارز اور کانفرنسوں کا انعقاد بھی کیا جائے گا۔

انہوں نے کہا کہ موسمیاتی تبدیلی صرف ایک عالمی مسئلہ نہیں بلکہ انسانیت کی بقا اور ترقی سے جڑا اہم چیلنج ہے، جبکہ جامعات کو عوامی فلاح اور عالمی مسائل کے حل میں مؤثر کردار ادا کرنا ہوگا۔

گورنر بلوچستان نے کہا کہ جامعات کے نصاب کو موجودہ دور کے تقاضوں سے ہم آہنگ کرنے کی ضرورت ہے۔ انہوں نے مصنوعی ذہانت، ڈیٹا سائنس، مشین لرننگ، روبوٹکس اور انٹیلیجنٹ سسٹمز جیسے جدید مضامین پر خصوصی توجہ دینے کی ضرورت پر زور دیا۔

انہوں نے اعلان کیا کہ وزیراعظم لیپ ٹاپ اسکیم کے تحت بیوٹمز ژوب کیمپس کے طلبہ کو جلد لیپ ٹاپ فراہم کیے جائیں گے تاکہ وہ تحقیق، جدت اور تخلیقی صلاحیتوں کو مزید فروغ دے سکیں۔

اس موقع پر گورنر نے وائس چانسلر پروفیسر ڈاکٹر خالد حفیظ اور ان کی ٹیم کی کارکردگی کو سراہتے ہوئے یونیورسٹی کی ترقی کے لیے ان کی کوششوں کی تعریف کی۔

Keywords : BUITEMS, Climate Change, Governor Balochistan, Artificial Intelligence

CM Bugti Urges Youth to Reject Terrorism During ISPR Summer Camp Session

High-Level Committee Formed to Resolve Revenue and Land Issues in Kach Mangi

Government Schools and Police Stations in Ziarat to Be Renamed After Police Martyrs

CM Balochistan Seeks Summary to Revise Compensation for Police Martyrs' Families

Digital Complaint Portal Ensures Swift Action on Public Grievances in Balochistan

CM Balochistan Congratulates Women on Successful Completion of Entrepreneurship Program