وزیراعلیٰ بلوچستان کی دکی کے لیے شمسی سولرائزیشن اپ گریڈ اسٹیشن کی منظوری، بجلی بحران کے حل کی امید
وزیراعلیٰ بلوچستان نے ضلع دکی میں بجلی کے بحران کے حل کے لیے شمسی سولرائزیشن اپ گریڈ اسٹیشن کی منظوری دے دی ہے۔ اس منصوبے سے طویل لوڈشیڈنگ میں کمی اور علاقے میں معاشی و سماجی سرگرمیوں میں بہتری متوقع ہے۔
رپورٹ : دکی
دکی کے عوام کے لیے بڑی خوشخبری، وزیراعلیٰ بلوچستان نے شمسی سولرائزیشن اپ گریڈ اسٹیشن کی منظوری دے دی
صوبائی پارلیمانی سیکرٹری جنگلات سردار مسعود خان لونی کی وزیراعلیٰ بلوچستان میر سرفراز بگٹی سے اہم ملاقات کے دوران ضلع دکی میں بجلی کی طویل اور غیر اعلانیہ لوڈشیڈنگ سمیت دیگر مسائل پر تفصیلی تبادلہ خیال کیا گیا۔ملاقات کے دوران وزیراعلیٰ بلوچستان نے ضلع دکی کے عوام کو درپیش بجلی کے بحران کے حل کے لیے شمسی سولرائزیشن اپ گریڈ اسٹیشن کی منظوری دے دی۔ اس منصوبے کی تکمیل سے علاقے میں بجلی کی فراہمی میں نمایاں بہتری آنے اور طویل لوڈشیڈنگ میں خاطر خواہ کمی کی توقع ہے۔
اس موقع پر سردار مسعود خان لونی نے وزیراعلیٰ بلوچستان کا شکریہ ادا کرتے ہوئے کہا کہ دکی کے عوام عرصہ دراز سے بجلی کی غیر اعلانیہ اور طویل لوڈشیڈنگ کے باعث شدید مشکلات کا سامنا کر رہے تھے۔ انہوں نے کہا کہ وزیراعلیٰ کی جانب سے اس اہم منصوبے کی منظوری ایک عوام دوست اقدام ہے جو علاقے کی ترقی اور عوامی فلاح و بہبود میں اہم کردار ادا کرے گا۔انہوں نے مزید کہا کہ شمسی سولرائزیشن اپ گریڈ اسٹیشن کی تکمیل سے نہ صرف بجلی کے بحران پر قابو پانے میں مدد ملے گی بلکہ معاشی، تجارتی اور سماجی سرگرمیوں کو بھی فروغ حاصل ہوگا، جس سے ضلع دکی کے عوام مستفید ہوں گے۔
Keywords : Duki Power Crisis, Solarization project, CM Balochistan approval, Electricity Loadshedding Reduction
Related News
