معرکۂ حق پر وزیر اعلیٰ بلوچستان میر سرفراز بگٹی کا خصوصی پیغام
وزیر اعلیٰ بلوچستان میر سرفراز بگٹی نے معرکۂ حق کے موقع پر اپنے خصوصی پیغام میں افواجِ پاکستان، قومی سیاسی قیادت اور فیلڈ مارشل سید عاصم منیر کو خراجِ تحسین پیش کرتے ہوئے کہا ہے کہ یہ دن پاکستان کی قوت، خودداری اور قومی عزم کی علامت ہے۔ انہوں نے کہا کہ بلوچستان کے عوام ملکی دفاع اور سلامتی کے لیے ہمیشہ صفِ اول میں رہے ہیں۔
رپورٹ: سیدہ نتاشا
وزیر اعلیٰ بلوچستان میر سرفراز بگٹی نے معرکۂ حق کے موقع پر اپنے خصوصی پیغام میں کہا ہے کہ یہ تاریخی دن پاکستان کی قوت، خودداری اور غیر متزلزل عزم کی روشن علامت ہے، جب پوری دنیا نے پاکستان کے مضبوط دفاع اور قومی یکجہتی کا اعتراف کیا۔
انہوں نے افواجِ پاکستان، قومی سیاسی قیادت اور خصوصاً فیلڈ مارشل سید عاصم منیر کو خراجِ تحسین پیش کرتے ہوئے
کہا کہ ان کی جراتمندانہ قیادت میں دشمن کے ناپاک عزائم کو ناکام بنایا گیا۔
میر سرفراز بگٹی کا کہنا تھا کہ بلوچستان کے عوام اس دن کو پاکستان کے تحفظ، سلامتی اور استحکام کے عزم کے ساتھ یومِ فخر کے طور پر مناتے ہیں۔ انہوں نے کہا کہ صوبے کے عوام ہمیشہ وطن عزیز کے دفاع اور قومی سلامتی کے لیے صفِ اول کا کردار ادا کرتے آئے ہیں اور آئندہ بھی اپنی ذمہ داری نبھاتے رہیں گے۔
وزیر اعلیٰ بلوچستان نے اس عزم کا اعادہ کیا کہ پاکستان کی جانب اٹھنے والی ہر میلی آنکھ کے سامنے پوری قوم افواجِ پاکستان کے شانہ بشانہ سیسہ پلائی دیوار بن کر کھڑی ہوگی۔ انہوں نے کہا کہ آج کا دن پاکستان سے محبت، وفاداری اور قومی یکجہتی کے عہد کی تجدید کا دن ہے۔
#BattleOfTruth #CMBalochistan #MirSarfrazBugti #Balochistan #PakistanArmedForces #NationalUnity #PakistanStrong #DefenceOfPakistan #MaarkaeHaq #PakistanZindabad #QuettaNews #BreakingNewsPakistan #NationalSecurity #UnityAndStrength #PakistanPride
Related News
.jpeg)
