وزیراعلیٰ بلوچستان نے سول اسپتال کوئٹہ میں لیڈی ڈاکٹر پر تیزاب پھینکنے کے واقعے کا نوٹس لے لیا

رپورٹ محمد خان کاکڑ 

کوئٹہ: وزیراعلیٰ بلوچستان میر سرفراز بگٹی نے سول اسپتال کوئٹہ میں لیڈی پی جی ڈاکٹر پر تیزاب پھینکنے کے افسوسناک واقعے کا سخت نوٹس لیتے ہوئے متعلقہ حکام سے فوری رپورٹ طلب کر لی ہے۔

معاون وزیر اعلیٰ بلوچستان برائے اطلاعات شاہد رند کے مطابق متاثرہ لیڈی ڈاکٹر کو فوری طور پر بہتر علاج معالجے کے لیے آریا انسٹی ٹیوٹ آف میڈیکل سائنسز کوئٹہ منتقل کر دیا گیا ہے، جبکہ ضرورت پڑنے پر کراچی منتقلی کے لیے ائیر ایمبولینس بھی تیار رکھی گئی ہے۔

شاہد رند نے بتایا کہ وزیراعلیٰ بلوچستان نے متاثرہ ڈاکٹر کو علاج کی بہترین سہولیات فراہم کرنے اور ہر ممکن طبی معاونت یقینی بنانے کی ہدایت جاری کی ہے۔ انہوں نے کہا کہ حکومت متاثرہ ڈاکٹر اور ان کے اہل خانہ کو ہر ممکن تعاون فراہم کرے گی۔

انہوں نے مزید کہا کہ واقعے کی مختلف پہلوؤں سے تحقیقات جاری ہیں اور سی سی ٹی وی فوٹیجز کی مدد سے ملزم کی شناخت کا عمل تیز کر دیا گیا ہے۔ قانون نافذ کرنے والے اداروں کو ملزم کی فوری گرفتاری کے لیے خصوصی ہدایات بھی جاری کر دی گئی ہیں۔

شاہد رند کے مطابق وزیراعلیٰ بلوچستان نے واضح کیا ہے کہ واقعے میں ملوث ملزم کو ہر صورت گرفتار کرکے قانون کے مطابق سخت سزا دلوائی جائے گی۔ انہوں نے کہا کہ خواتین ڈاکٹرز، نرسز اور طبی عملے کے تحفظ پر کوئی سمجھوتہ نہیں کیا جائے گا اور ایسے واقعات کی روک تھام کے لیے مؤثر اقدامات کیے جائیں گے۔

صوبائی حکومت نے واقعے پر گہری تشویش کا اظہار کرتے ہوئے یقین دہانی کرائی ہے کہ انصاف کے تمام تقاضے پورے کیے جائیں گے اور ذمہ دار عناصر کو قانون کے کٹہرے میں لایا جائے گا۔

 

Keywords  : Acid attack on Doctor. Quetta Civil Hospital Incident, CM Balochistan Notice, Healthcare worker safety

Muharram Processions and Gatherings Conclude Peacefully Across Balochistan, CM Appreciates Stakeholders

Religious Scholars, Community Leaders Key to Addressing Population Growth in Balochistan

Balochistan on Irreversible Path of Progress, Reforms and Stability: CM Bugti

Balochistan Assembly Approves Over Rs119 Billion in Supplementary Budget for Development and Non-Development Spending

PDMA Balochistan Finalises Emergency Rescue Plan for 9th and 10th Muharram

Karbala Conveys Eternal Message of Truth and Justice: CM Bugti