وزیراعلیٰ بلوچستان کی اعلیٰ حکام سے ملاقاتیں، امن و امان، گورننس اور بجلی کی فراہمی کا جائزہ

کوئٹہ: وزیراعلیٰ بلوچستان میر سرفراز بگٹی نے کہا ہے کہ صوبے میں پائیدار امن کا قیام حکومت کی اولین ترجیح ہے اور دہشت گرد عناصر کے خلاف کارروائیاں پوری قوت کے ساتھ جاری رہیں گی۔

وزیراعلیٰ سیکرٹریٹ میں مختلف اعلیٰ حکام سے ملاقاتوں کے دوران صوبے کی امن و امان کی صورتحال، گورننس، عوامی خدمات، توانائی کے شعبے کی بہتری اور دیگر اہم انتظامی امور کا جائزہ لیا گیا۔انسپکٹر جنرل پولیس بلوچستان محمد طاہر خان نے وزیراعلیٰ کو امن و امان، دہشت گردی کے خلاف جاری کارروائیوں اور حساس اضلاع میں سیکیورٹی انتظامات پر بریفنگ دی۔ وزیراعلیٰ نے کہا کہ پولیس کی پیشہ ورانہ صلاحیتوں کو مزید مؤثر بنانے اور انہیں تمام ضروری وسائل فراہم کرنے کے لیے حکومت پرعزم ہے۔قائم مقام چیف ایگزیکٹو آفیسر کیسکو شوکت جوگیزئی سے ملاقات میں بجلی کی فراہمی، لوڈ مینجمنٹ، ٹرانسمیشن اور ڈسٹری بیوشن نظام کی بہتری پر تبادلہ خیال کیا گیا۔ وزیراعلیٰ نے ہدایت کی کہ عوام کو بلا تعطل بجلی کی فراہمی یقینی بنائی جائے اور شکایات کے بروقت ازالے کے لیے مؤثر اقدامات کیے جائیں۔وزیراعلیٰ نے کہا کہ بلوچستان حکومت امن و امان، مؤثر طرزِ حکمرانی، عوامی فلاح، بنیادی سہولیات کی فراہمی اور سرکاری اداروں کی استعداد کار بڑھانے کے لیے عملی اقدامات کر رہی ہے، جبکہ شفاف انتظامیہ، بہتر عوامی خدمت اور ترقیاتی عمل کو مزید تیز کرنا حکومت کی ترجیحات میں شامل ہے۔

 

CM Bugti Urges Youth to Reject Terrorism During ISPR Summer Camp Session

High-Level Committee Formed to Resolve Revenue and Land Issues in Kach Mangi

Government Schools and Police Stations in Ziarat to Be Renamed After Police Martyrs

CM Balochistan Seeks Summary to Revise Compensation for Police Martyrs' Families

Digital Complaint Portal Ensures Swift Action on Public Grievances in Balochistan

CM Balochistan Congratulates Women on Successful Completion of Entrepreneurship Program