دانہ سر بس حادثہ: وزیراعلیٰ بلوچستان کا 39 افراد کے جاں بحق ہونے پر اظہارِ افسوس

کوئٹہ: وزیراعلیٰ بلوچستان میر سرفراز بگٹی نے بلوچستان اور خیبرپختونخوا کے سرحدی علاقے دانہ سر، ضلع شیرانی میں پیش آنے والے المناک مسافر بس حادثے پر گہرے دکھ اور افسوس کا اظہار کرتے ہوئے جاں بحق افراد کے لواحقین سے دلی تعزیت کی ہے۔

حادثہ اس وقت پیش آیا جب کوئٹہ سے پشاور جانے والی ایک مسافر بس دانہ سر کے مقام پر حادثے کا شکار ہو گئی، جس کے نتیجے میں 39 مسافر جاں بحق جبکہ 10 دیگر زخمی ہوگئے۔ اطلاع ملتے ہی میڈیکل ایمرجنسی ریسپانس سینٹرز (MERC) کی امدادی ٹیمیں جائے حادثہ پر پہنچ گئیں اور زخمیوں کو فوری طبی امداد فراہم کرتے ہوئے قریبی اسپتالوں میں منتقل کیا۔ ریسکیو حکام کے مطابق امدادی اور بازیابی کا آپریشن جاری ہے۔

اپنے تعزیتی بیان میں وزیراعلیٰ سرفراز بگٹی نے حادثے پر گہرے رنج و غم کا اظہار کرتے ہوئے جاں بحق افراد کے درجات کی بلندی اور زخمیوں کی جلد صحت یابی کے لیے دعا کی۔ انہوں نے متعلقہ اداروں کو امدادی کارروائیاں مزید تیز کرنے، زخمیوں کو بہترین طبی سہولیات فراہم کرنے اور متاثرہ خاندانوں کو ہر ممکن معاونت یقینی بنانے کی ہدایت کی۔

وزیراعلیٰ نے کہا کہ اس مشکل گھڑی میں حکومت بلوچستان متاثرہ خاندانوں کے ساتھ کھڑی ہے اور انہیں ہر ممکن تعاون فراہم کیا جائے گا۔

Keywords : Danasar Bus Accident, Sarfraz Bugti, Sherani, Road Tragedy

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands