وزیراعلیٰ بلوچستان میر سرفراز بگٹی کا سندھ طاس معاہدے اور پاکستان کے آبی حقوق کے تحفظ کے عزم کا اعادہ
وزیراعلیٰ بلوچستان میر سرفراز بگٹی نے کہا کہ پانی پوری انسانیت کا بنیادی حق ہے اور سندھ طاس معاہدہ ایک بین الاقوامی و قانونی معاہدہ ہے جسے یکطرفہ طور پر معطل نہیں کیا جا سکتا۔ انہوں نے کہا کہ پاکستان اپنے آبی حقوق، دریائے سندھ اور 24 کروڑ عوام کے حقِ آب کے تحفظ کے لیے ہر قانونی، سفارتی اور قومی فورم پر بھرپور آواز بلند کرتا رہے گا۔
کوئٹہ: وزیراعلیٰ بلوچستان میر سرفراز بگٹی نے کہا ہے کہ پانی کسی قوم پر دباؤ ڈالنے کا ہتھیار نہیں بلکہ پوری انسانیت کا بنیادی حق ہے، جبکہ سندھ طاس معاہدہ ایک بین الاقوامی، قانونی اور پابند معاہدہ ہے جسے کوئی بھی ملک یکطرفہ طور پر معطل یا غیر مؤثر نہیں بنا سکتا۔
اپنے بیان میں وزیراعلیٰ بلوچستان نے کہا کہ بھارت کی جانب سے پانی کو بطور ہتھیار استعمال کرنے کی کوئی بھی کوشش نہ صرف بین الاقوامی قانون کی خلاف ورزی ہے بلکہ علاقائی امن و استحکام کے لیے بھی سنگین خطرہ ہے۔
میر سرفراز بگٹی نے کہا کہ پاکستان اپنے آبی حقوق، دریائے سندھ اور 24 کروڑ عوام کے حقِ آب کے تحفظ کے لیے ہر قانونی، سفارتی اور قومی فورم پر بھرپور آواز بلند کرتا رہے گا۔
انہوں نے اس عزم کا اعادہ کیا کہ پاکستان اپنے قومی مفادات، آبی وسائل اور عوام کے بنیادی حقِ آب کے تحفظ کے لیے ہر ممکن قانونی اور سفارتی اقدامات جاری رکھے گا۔
Keywords : Sarfraz Bugti, Indus Waters Treaty, Water Rights, Pakistan India Relations
Related News
