وزیر اعلیٰ بلوچستان کا زیارت کا دورہ، دہشت گردی کے خلاف جاری آپریشن اور سیکیورٹی صورتحال کا جائزہ

کوئٹہ: وزیر اعلیٰ بلوچستان میر سرفراز بگٹی نے زیارت کا دورہ کرکے دہشت گردی کے خلاف جاری آپریشن اور علاقے کی مجموعی امن و امان کی صورتحال کا تفصیلی جائزہ لیا۔

جائزہ اجلاس میں زیارت۔ہرنائی سے رکن صوبائی اسمبلی، آئی جی ایف سی بلوچستان (نارتھ)، آئی جی پولیس بلوچستان سمیت اعلیٰ سول و عسکری حکام نے شرکت کی۔ اجلاس میں علاقے کی سیکیورٹی صورتحال، جاری آپریشنز کی پیش رفت، سول انتظامیہ اور سیکیورٹی اداروں کے درمیان رابطوں، اور دہشت گرد عناصر کے مکمل خاتمے کے لیے اختیار کیے گئے اقدامات پر غور کیا گیا۔

اجلاس کے شرکاء نے انٹیلی جنس معلومات کے مؤثر تبادلے اور تمام متعلقہ اداروں کے درمیان تعاون کو مزید مضبوط بنانے پر بھی اتفاق کیا۔ اس موقع پر اس عزم کا اعادہ کیا گیا کہ حکومت بلوچستان، سول انتظامیہ، پولیس، لیویز، سیکیورٹی ادارے اور عوام دہشت گردی کے خلاف متحد ہیں۔

اجلاس میں واضح کیا گیا کہ دہشت گرد عناصر کے مکمل خاتمے اور علاقے میں پائیدار امن کے قیام تک آپریشن بلا تعطل جاری رکھا جائے گا۔ شرکاء نے بلوچستان کے امن کو نقصان پہنچانے کی ہر سازش ناکام بنانے کے عزم کا اظہار کیا۔

وزیر اعلیٰ میر سرفراز بگٹی نے کہا کہ شہریوں کے جان و مال کے تحفظ، امن و استحکام کے قیام اور دہشت گردی کے مکمل خاتمے کے لیے حکومت تمام دستیاب وسائل بروئے کار لائے گی۔

Keywords : Sarfraz Bugti, Ziarat Operation, Balochistan Security, Counter Terrorism

CM Bugti Urges Youth to Reject Terrorism During ISPR Summer Camp Session

High-Level Committee Formed to Resolve Revenue and Land Issues in Kach Mangi

Government Schools and Police Stations in Ziarat to Be Renamed After Police Martyrs

CM Balochistan Seeks Summary to Revise Compensation for Police Martyrs' Families

Digital Complaint Portal Ensures Swift Action on Public Grievances in Balochistan

CM Balochistan Congratulates Women on Successful Completion of Entrepreneurship Program