بلوچستان میں سرد اور خشک موسم برقرار، شمالی اضلاع میں شدید سردی کی پیشگوئی

رپورٹ: سیدہ نتاشا

 علاقائی موسمیاتی مرکز بلوچستان نے آئندہ چند روز کے دوران صوبے کے بیشتر اضلاع میں سرد اور خشک موسم برقرار رہنے کی پیشگوئی کی ہے۔ محکمہ موسمیات کے مطابق قلات، کوئٹہ، مستونگ، سوراب، قلعہ عبداللہ، پشین، قلعہ سیف اللہ اور زیارت میں کم سے کم درجۂ حرارت صفر ڈگری سینٹی گریڈ سے نیچے گرنے کا امکان ہے، جس کے باعث سردی کی شدت میں مزید اضافہ ہو سکتا ہے۔

محکمہ موسمیات کا کہنا ہے کہ جمعہ کے روز صوبے کے زیادہ تر اضلاع میں موسم سرد اور خشک رہے گا، تاہم شمالی علاقوں میں رات اور صبح کے اوقات میں شدید سردی محسوس کی جائے گی، جبکہ بعض شمالی اضلاع میں شام اور رات کے اوقات میں موسم جزوی طور پر ابر آلود رہنے کا امکان ہے۔
اسی طرح ہفتہ کے روز بھی صوبے کے بیشتر علاقوں میں سرد اور خشک موسم برقرار رہنے کی توقع ہے، جبکہ شمالی اضلاع میں انتہائی سرد موسم جاری رہنے کا امکان ظاہر کیا گیا ہے۔ محکمہ موسمیات کے مطابق گزشتہ 24 گھنٹوں کے دوران صوبے کے کسی بھی علاقے میں بارش ریکارڈ نہیں کی گئی۔
کوئٹہ شہر میں کم سے کم درجۂ حرارت منفی 3 ڈگری سینٹی گریڈ ریکارڈ کیا گیا، جس کے باعث شہریوں کو شدید سردی کا سامنا کرنا پڑا۔ محکمہ موسمیات نے شہریوں کو احتیاطی تدابیر اختیار کرنے کا مشورہ دیا ہے، خصوصاً رات اور صبح کے اوقات میں غیر ضروری باہر نکلنے سے گریز کرنے کی ہدایت کی گئی ہے۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands