بلوچستان میں کمشنرز اور ڈپٹی کمشنرز کو جسٹس آف پیس کے اختیارات تفویض

رپورٹ: سیدہ نتاشا

 بلوچستان میں انتظامی اور عدالتی نظام کو مؤثر بنانے کے لیے صوبائی حکومت نے اہم اقدام اٹھاتے ہوئے کمشنرز، ڈپٹی کمشنرز اور اسسٹنٹ کمشنرز کو جسٹس آف پیس کے اختیارات تفویض کر دیے ہیں۔ اس حوالے سے ایڈیشنل چیف سیکریٹری داخلہ بلوچستان نے باضابطہ اعلامیہ جاری کر دیا ہے۔

اعلامیے کے مطابق یہ تقرریاں ضابطہ فوجداری کی دفعہ 22 کے تحت عمل میں لائی گئی ہیں، جس کے تحت جسٹس آف پیس کو دفعہ 22-A اور 22-B کے مکمل اختیارات حاصل ہوں گے۔ ان اختیارات کے ذریعے عوامی شکایات، پولیس کے طرزِ عمل اور دیگر متعلقہ امور کے فوری حل میں مدد ملے گی۔
اعلامیے میں واضح کیا گیا ہے کہ جسٹس آف پیس سرکاری یا نجی گاڑیوں پر کسی قسم کا لوگو استعمال نہیں کر سکیں گے۔ حکام کے مطابق اس اقدام کا مقصد فوری انصاف کی فراہمی، پولیس اختیارات کو قانون کے دائرے میں رکھنا اور ضلعی سطح پر فیصلوں میں تیزی لانا ہے۔
حکومت کا کہنا ہے کہ اس فیصلے سے نہ صرف عوام کو بروقت ریلیف ملے گا بلکہ انتظامی اور پولیس امور میں شفافیت اور جوابدہی بھی بہتر ہوگی۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands