تعلیم اور سماجی ترقی میں عوامی شمولیت پائیدار ترقی کی ضامن ہے، وزیراعلیٰ بلوچستان

کوئٹہ: وزیراعلیٰ بلوچستان میر سرفراز بگٹی نے کہا ہے کہ تعلیم اور سماجی ترقی کے شعبوں میں عوامی شمولیت پائیدار ترقی کی ضمانت ہے اور ایسے اقدامات صوبے کے روشن مستقبل کی بنیاد فراہم کرتے ہیں۔

ان خیالات کا اظہار انہوں نے گلستان سے تعلق رکھنے والے قبائلی و سماجی رہنما سردار احمد خان غیب زئی کی قیادت میں آئے ہوئے وفد سے ملاقات کے دوران کیا۔ وفد نے وزیراعلیٰ کو گلستان میں تعلیم کے فروغ اور سماجی بہبود کے لیے مقامی سطح پر جاری کمیونٹی اقدامات اور غیر سرکاری کاوشوں سے آگاہ کیا۔

وزیراعلیٰ میر سرفراز بگٹی نے ان اقدامات کو سراہتے ہوئے کہا کہ تعلیم اور سماجی خدمات کے شعبوں میں عوامی اور نجی سطح پر کی جانے والی کوششیں حکومتی پروگراموں کی تکمیل میں اہم کردار ادا کرتی ہیں۔ انہوں نے کہا کہ حکومت بلوچستان مثبت اور تعمیری سرگرمیوں کی ہر ممکن حوصلہ افزائی اور معاونت جاری رکھے گی۔

انہوں نے اس بات پر زور دیا کہ گلستان میں تعلیم کے فروغ کے لیے اختیار کیا گیا کمیونٹی شمولیت کا ماڈل صوبے کے دیگر علاقوں میں بھی اپنایا جانا چاہیے تاکہ تمام شہریوں کو یکساں تعلیمی مواقع میسر آسکیں۔

وزیراعلیٰ نے کہا کہ تعلیمی اداروں کی بہتری، بنیادی سہولیات کی فراہمی اور معیارِ تعلیم میں اضافہ حکومت کی اولین ترجیحات میں شامل ہے، جبکہ تعلیم اور سماجی خدمات میں عوامی شرکت ترقیاتی عمل کو مزید مؤثر بنانے میں مددگار ثابت ہوگی۔

Keywords : Community Participation, Education Development, Sarfraz Bugti, Gulistan Initiative

Muharram Processions and Gatherings Conclude Peacefully Across Balochistan, CM Appreciates Stakeholders

Religious Scholars, Community Leaders Key to Addressing Population Growth in Balochistan

Balochistan on Irreversible Path of Progress, Reforms and Stability: CM Bugti

Balochistan Assembly Approves Over Rs119 Billion in Supplementary Budget for Development and Non-Development Spending

PDMA Balochistan Finalises Emergency Rescue Plan for 9th and 10th Muharram

Karbala Conveys Eternal Message of Truth and Justice: CM Bugti