بلوچستان چائلڈ میرج ریسٹرینٹ ایکٹ 2025 کے مجوزہ قواعد پر مشاورتی اجلاس

کوئٹہ: بلوچستان چائلڈ میرج ریسٹرینٹ ایکٹ 2025 کے تحت تجویز کردہ قواعد و ضوابط پر مشاورتی اجلاس منعقد ہوا، جس میں قانون کے نتیجہ خیز نفاذ کے لیے مختلف اداروں نے اپنی تجاویز اور سفارشات پیش کیں۔

یہ مشاورتی اجلاس اقوام متحدہ کے ادارہ برائے آبادی (UNFPA) کے تعاون سے گروپ ڈویلپمنٹ پاکستان، محکمہ سماجی بہبود و انسانی حقوق حکومت بلوچستان اور یونیسیف پاکستان کے اشتراک سے منعقد کیا گیا۔

اجلاس میں متعلقہ سرکاری محکموں، اقوام متحدہ کے اداروں اور قومی و بین الاقوامی غیر سرکاری تنظیموں (این جی اوز) کے نمائندوں نے شرکت کی۔ شرکاء نے مجوزہ قواعد کا تفصیلی جائزہ لیتے ہوئے ان پر تکنیکی آراء اور سفارشات پیش کیں تاکہ بلوچستان چائلڈ میرج ریسٹرینٹ ایکٹ 2025 پر مؤثر اور بہتر انداز میں عمل درآمد کو یقینی بنایا جا سکے۔