پشین میں غیرقانونی کرومائٹ مائننگ کے خلاف کارروائی، 47 غیرقانونی کانیں بند

رپورٹ: سیدہ نتاشا

وزیر اعلیٰ بلوچستان میر سرفراز بگٹی نے کہا ہے کہ پشین میں غیرقانونی کرومائٹ مائننگ کے خلاف مؤثر کارروائی کرتے ہوئے 47 غیرقانونی کانیں بند کر دی گئی ہیں۔ وزیر اعلیٰ نے سوشل میڈیا پلیٹ فارم ایکس (سابقہ ٹوئٹر) پر اپنے بیان میں کہا کہ بلوچستان کے معدنی وسائل صوبے کے عوام کی ملکیت ہیں اور ان کی غیرقانونی لوٹ مار کسی صورت قابلِ قبول نہیں۔

میر سرفراز بگٹی کا کہنا تھا کہ غیرقانونی مائننگ کے باعث مائنز اینڈ منرل کے شعبے سے صوبے کو سالانہ آمدن 10 ارب روپے سے بھی کم حاصل ہو رہی ہے، جو ایک تشویشناک امر ہے۔ انہوں نے واضح کیا کہ غیرقانونی مائننگ کے خاتمے اور معدنی شعبے کی شفاف اور مؤثر ترقی کے لیے ایک جامع پالیسی متعارف کروائی جا رہی ہے۔
وزیر اعلیٰ بلوچستان نے اس عزم کا اظہار کیا کہ معدنی وسائل سے حاصل ہونے والی آمدن کو صوبے کی ترقی اور عوامی فلاح و بہبود کے لیے بروئے کار لایا جائے گا اور اس ضمن میں کسی قسم کی کوتاہی برداشت نہیں کی جائے گی۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands