قلعہ عبداللہ میں غیرقانونی پوست کی کاشت کے خلاف کریک ڈاؤن

رپورٹ:  نعمت الله سرحدی

ضلعی انتظامیہ اور سکیورٹی فورسز نے قلعہ عبداللہ میں پوست کی غیرقانونی کاشت کے خلاف بھرپور کارروائی کی۔ یہ آپریشن ایڈیشنل ڈپٹی کمشنر ریونیو قلعہ عبداللہ ذیشان خان پانیزئی، 77 ونگ کے کمانڈر کرنل علی اور ڈی پی او قلعہ عبداللہ شاہد جمیل کاکڑ کی نگرانی میں انجام پایا۔

پولیس اور ایف سی کی مشترکہ ٹیموں نے تحصیل گلستان کے علاقوں کلی قندیل سیگی اور عبدالرحمن زئی میں غیرقانونی پوست کی کاشت کو نشانہ بنایا۔ کارروائی کے دوران پوست کی فصل کو سیراب کرنے کے لیے استعمال ہونے والے تین ٹیوب ویلز مسمار کر دیے گئے، جبکہ 80 سولر پلیٹس توڑ دی گئیں اور 30 سولر پلیٹس ضبط کی گئیں۔
ضلعی انتظامیہ کے مطابق اس وقت پوست کی کاشت ابتدائی مرحلے میں تھی، جس کے پیش نظر ٹیوب ویلز اور سولر سسٹمز کو ناکارہ بنا کر مزید نشوونما کو روک دیا گیا۔ اسی دوران بھاری مقدار میں چرس کی کاشت بھی برآمد ہوئی۔
انتظامیہ نے واضح کیا ہے کہ ضلع قلعہ عبداللہ میں پوست اور دیگر منشیات کی کاشت کے مکمل خاتمے تک یہ آپریشن بلا تعطل جاری رہے گا اور کسی قسم کی رعایت نہیں برتی جائے گی۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands