پشین میں سی ٹی ڈی کی کارروائی، دہشت گردی کے مقدمات میں مطلوب متعدد ملزمان ہلاک

رپورٹ: سیدہ نتاشا

پشین کے علاقے کلی کربلا میں کاؤنٹر ٹیررازم ڈیپارٹمنٹ (سی ٹی ڈی) نے خفیہ اطلاع پر دہشت گردی کے مقدمات میں مطلوب ملزمان کے خلاف کارروائی کی۔ ذرائع کے مطابق کارروائی کے دوران ملزمان نے سی ٹی ڈی ٹیم پر فائرنگ کر دی، جس کے نتیجے میں شدید مقابلہ ہوا۔
فائرنگ کے تبادلے میں سید ثنااللہ آغا اور اس کے بھائیوں سمیت متعدد مطلوب ملزمان ہلاک ہوگئے، جبکہ کارروائی کے دوران سی ٹی ڈی کے چند اہلکار بھی زخمی ہوئے، جنہیں فوری طور پر طبی امداد کے لیے قریبی ہسپتال منتقل کر دیا گیا۔ زخمیوں میں ایک خاتون کے شامل ہونے کی بھی اطلاع ہے۔

ذرائع کا کہنا ہے کہ ہلاک ملزمان دہشت گردی کے سنگین مقدمات میں مطلوب تھے اور کافی عرصے سے روپوش تھے، جن کی گرفتاری کے لیے پہلے بھی متعدد کارروائیاں کی جا چکی تھیں۔ آپریشن کی نگرانی ڈی آئی جی سی ٹی ڈی اعتزاز گورایا نے خود کی، جبکہ علاقے میں کلیئرنس اور سرچ آپریشن بھی جاری رکھا گیا۔
پولیس ترجمان کے مطابق ہلاک ملزمان کے قبضے سے بھاری مقدار میں اسلحہ اور ایمونیشن برآمد کیا گیا ہے۔ حکام کا کہنا ہے کہ امن و امان برقرار رکھنے اور قانون کی رٹ قائم کرنے کے لیے ایسی کارروائیاں بلاامتیاز جاری رہیں گی۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands