عالمی یومِ کسٹم کے موقع پر گوادر میں ضبط شدہ منشیات اور ممنوعہ اشیاء تلف

رپورٹ:  ظریف بلوچ

پاکستان سمیت دنیا بھر میں منائے جانے والے کسٹم کے عالمی دن کی مناسبت سے گوادر کسٹم کے زیرِ اہتمام نلینٹ کے مقام پر ایک پروقار تقریب منعقد کی گئی، جس میں سال بھر کی کارروائیوں میں ضبط کی گئی اربوں روپے مالیت کی منشیات اور دیگر مضر صحت و ممنوعہ اشیاء کو تلف کیا گیا۔ اس کارروائی کو کسٹم کلکٹر کی زیرِ نگرانی انجام دیا گیا، جبکہ ضلعی انتظامیہ اور قانون نافذ کرنے والے اداروں کے اعلیٰ حکام، بشمول ڈسٹرکٹ پولیس کے افسران، جوڈیشل مجسٹریٹس، پاک آرمی کے افسران، انوائرمنٹل اے ڈی گوادر، ڈسٹرکٹ انفورسمنٹ انچارج اور خزانہ آفیسر نے شرکت کی۔ حکام کے مطابق تلف کی جانے والی اشیاء میں بھاری مقدار میں منشیات، شراب، بیئر، سگریٹ، شیشہ، جیم اور انسانی صحت کے لیے دیگر مضر اشیاء شامل تھیں، جو مختلف کارروائیوں کے دوران قبضے میں لی گئی تھیں۔ اس موقع پر حکام نے کہا کہ اسمگلنگ کی روک تھام اور نوجوان نسل کو منشیات جیسی لعنت سے محفوظ رکھنے کے لیے کسٹم حکام اپنی کارروائیاں  تیز کریں گے ۔ غیر قانونی تجارت کے خاتمے اور ملکی معیشت کے تحفظ کے لیے تمام ادارے باہمی تعاون سے کام جاری رکھیں گے۔ واضح رہے کہ ہر سال 26 جنوری کو پاکستان میں بھی کسٹم کا عالمی دن منایا جاتا ہے، جس کا مقصد کسٹم اداروں کی کارکردگی کو اجاگر کرنا، اسمگلنگ کے خلاف عزم کی تجدید اور ضبط شدہ ممنوعہ اشیاء کو تلف کرنا ہے۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands