ڈی آئی جی کوئٹہ کی زیر صدارت جامع کرائم ریویو اجلاس، اسٹریٹ کرائمز کے خلاف سخت اقدامات کی ہدایت

رپورٹ: سیدہ نتاشا

ڈی آئی جی کوئٹہ جناب عمران شوکت کی زیر صدارت سٹی سرکل اور صدر سرکل کا جامع کرائم ریویو اجلاس منعقد ہوا۔ اجلاس کے دوران متعلقہ ایس پیز نے سال 2025 کے کرائم اعداد و شمار پر تفصیلی بریفنگ دی اور اپنے اپنے علاقوں میں پولیسنگ کی کارکردگی سے آگاہ کیا۔

ڈی آئی جی کوئٹہ نے اسٹریٹ کرائمز، بالخصوص موٹر سائیکل سنیچنگ میں اضافے پر شدید تشویش کا اظہار کرتے ہوئے واضح ہدایات جاری کیں کہ کوئٹہ شہر میں ایسے جرائم کسی صورت برداشت نہیں کیے جائیں گے۔ انہوں نے ہر ایس ایچ او سے علیحدہ علیحدہ ان کے علاقوں کی کرائم ریشو اور امن و امان کی صورتحال پر تفصیلی گفتگو کی اور علاقہ وار مسائل کا جائزہ لیا۔
اجلاس میں تمام ایس ایچ اوز کو ہدایت کی گئی کہ موٹر سائیکل سنیچنگ اور دیگر جرائم کے خاتمے کے لیے سخت، نتیجہ خیز اور اسمارٹ اقدامات کیے جائیں، جبکہ پروایکٹو پولیسنگ کو مزید مؤثر بنایا جائے۔
ڈی آئی جی کوئٹہ نے غیر قانونی منی پیٹرول پمپس اور جوئے کے اڈوں کے خلاف بلاامتیاز کارروائی کے احکامات جاری کرتے ہوئے متعلقہ افسران کو قانونی طریقہ کار کے تحت مکمل بندش یقینی بنانے کی ہدایت کی۔
انہوں نے مزید کہا کہ ہر گرفتار ملزم کا کرمنل ریکارڈ آفس (CRO) لازمی مکمل کیا جائے اور اس حوالے سے کسی قسم کی غفلت برداشت نہیں کی جائے گی۔ پولیس ملازمین کی سہولت اور کارکردگی میں بہتری کے لیے کوئٹہ شہر میں جلد دو مزید سی آر او دفاتر قائم کرنے کا اعلان بھی کیا گیا۔
اجلاس کے اختتام پر ڈی آئی جی کوئٹہ نے کوئٹہ شہر میں امن و امان برقرار رکھنے کے لیے باہمی رابطے کو بہتر بنانے، روک تھام پر مبنی پولیسنگ کو مضبوط کرنے اور قانون کے سخت نفاذ کی واضح ہدایات جاری کیں۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands