کوئٹہ کی ماحول دوست کمیونٹی ڈیولپمنٹ یونیورسٹی پائیدار تعلیم کا نیا ماڈل

رپورٹ۔عروبہ شہزاد
کوئٹہ کے علاقے ہنہ اُڑک میں قائم ماحول دوست کمیونٹی ڈیولپمنٹ یونیورسٹی اپنی منفرد طرزِ تعمیر اور پائیدار تعلیمی ماڈل کے باعث توجہ کا مرکز بن گئی ہے۔ انسٹیٹیوٹ فار ڈیولپمنٹ اسٹڈیز اینڈ پریکٹس  کے زیرِ اہتمام قائم یہ ادارہ مٹی، کچے، گھاس اور دیگر قدرتی مواد سے تعمیر کی گئی عمارتوں کی وجہ سے منفرد پہچان رکھتا ہے، جو گرمی اور سردی میں قدرتی توازن برقرار رکھنے کی صلاحیت رکھتی ہیں۔

یونیورسٹی مکمل طور پر سولر انرجی اور ونڈ پاور پر چلتی ہے جبکہ بارش کے پانی کو محفوظ کرنے کا نظام بھی موجود ہے، جسے ماحولیاتی پائیداری کی جانب ایک اہم قدم قرار دیا جا رہا ہے۔
یہ ادارہ روایتی ڈگریاں دینے والا یونیورسٹی ماڈل نہیں بلکہ ایک عملی تربیتی و سکل سینٹر ہے، جہاں شہری اور دیہی نوجوانوں کو ماحول دوست تعمیراتی تکنیک، پائیدار طرزِ زندگی اور  متبادل انرجی  کےاستعمال جیسے موضوعات پر تربیت فراہم کی جاتی ہے۔
ماہرین کے مطابق اس جدید طرز کے تربیتی مرکز نے بلوچستان میں سسٹین ایبل ڈیولپمنٹ کے فروغ کے لیے نئی راہیں کھول دی ہیں، جبکہ یہ ماڈل ملک بھر میں پائیدار تعمیرات کے لیے ایک مثال بن سکتا ہے۔

Balochistan Board Announces FA/FSc Annual Examination 2026 Results

HEC Conducts Scholarship Aptitude Test for Female Students Across Balochistan

Balochistan School Education Secretary Attends Little Scientist Day Exhibition in Quetta

Governor Chairs University of Loralai Senate Meeting, Calls for Quality Education and Financial Sustainability

Balochistan Announces Summer Vacations for Winter Zone Schools

BBISE Introduces New Practical Examination System for Matric Students