ڈپٹی کمشنر موسیٰ خیل کی ہدایت پر کنگری کے زلزلہ متاثرہ علاقوں میں ہنگامی امدادی کارروائیاں شروع

کوئٹہ : ڈپٹی کمشنر موسیٰ خیل عبدالرزاق خان خجک کی خصوصی ہدایت پر تحصیل کنگری کے زلزلہ متاثرہ علاقوں میں ضلعی انتظامیہ نے ہنگامی امدادی کارروائیاں شروع کر دی ہیں تاکہ متاثرین کو فوری طبی سہولیات اور دیگر بنیادی ضروریات کی فراہمی یقینی بنائی جا سکے۔

ڈپٹی کمشنر عبدالرزاق خان خجک نے اپنے بیان میں کہا کہ مشکل اور آزمائش کی اس گھڑی میں ضلعی انتظامیہ زلزلہ متاثرہ بھائیوں اور بہنوں کے ساتھ کھڑی ہے۔ انہوں نے کہا کہ متاثرین کی بحالی، طبی سہولیات کی فراہمی اور نقصانات کے ازالے کے لیے اقدامات انتظامیہ کی اولین ترجیح ہیں۔

انہوں نے بتایا کہ تحصیل کنگری کے متاثرہ علاقوں میں امدادی ٹیمیں مکمل طور پر متحرک ہیں اور متاثرین کو بلا تعطل طبی امداد، خوراک اور خیمے فراہم کیے جا رہے ہیں۔ اس کے علاوہ ضلعی انتظامیہ نے متعلقہ عملے کو فیلڈ میں متحرک کر دیا ہے تاکہ متاثرہ مکانات اور بنیادی ڈھانچے کو پہنچنے والے نقصانات کا جامع جائزہ لیا جا سکے اور امدادی سامان و مالی معاونت کی تقسیم شفاف انداز میں ممکن بنائی جا سکے۔

ڈپٹی کمشنر نے اس عزم کا اعادہ کیا کہ ضلعی انتظامیہ بحالی کے عمل کی مسلسل نگرانی کر رہی ہے اور متاثرہ علاقوں میں معمولاتِ زندگی مکمل طور پر بحال ہونے تک امدادی سرگرمیاں جاری رکھی جائیں گی۔

 

Keywords : Musakhel Earthquake, Emergency Relief, Kangri Tehsil, Disaster Response

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands