وفاقی وزیرداخلہ محسن نقوی اور وزیراعلیٰ بلوچستان سرفراز بگٹی کا ایف سی بلوچستان نارتھ ہیڈکوارٹر کا دورہ

رپورٹ: سیدہ نتاشا

 وفاقی وزیرداخلہ محسن نقوی اور وزیراعلیٰ بلوچستان میر سرفراز بگٹی نے فرنٹیئر کور بلوچستان نارتھ ہیڈکوارٹر کا دورہ کیا۔ اس موقع پر ایف سی بلوچستان نارتھ کے چاک و چوبند دستے نے معزز مہمانوں کو سلامی پیش کی۔
آئی جی فرنٹیئر کور بلوچستان نارتھ میجر جنرل محمد عاطف مجتبی نے وفاقی وزیرداخلہ اور وزیراعلیٰ بلوچستان کا استقبال کیا اور انہیں سینئر افسران سے تعارف کرایا۔ اس کے بعد محسن نقوی اور سرفراز بگٹی نے یادگارِ شہداء پر حاضری دی، پھول رکھے، فاتحہ خوانی کی اور شہداء کے درجات کی بلندی کے لیے دعا کی۔

دورے کے دوران آئی جی ایف سی بلوچستان نارتھ نے فورس کی تربیت، آپریشنل تیاریوں اور پیشہ ورانہ صلاحیتوں کے حوالے سے تفصیلی بریفنگ دی۔ وفاقی وزیرداخلہ محسن نقوی نے دہشتگردی کے خلاف جنگ میں فرنٹیئر کور بلوچستان نارتھ کی قربانیوں کو خراجِ تحسین پیش کرتے ہوئے کہا کہ ایف سی نارتھ کی قیامِ امن کے لیے دی جانے والی قربانیاں انمٹ اور ناقابلِ فراموش ہیں۔ انہوں نے کہا کہ فتنہ الہندوستان کے مذموم عزائم کو ناکام بنانے میں فورس نے شجاعت اور بہادری کی نئی تاریخ رقم کی ہے اور ایف سی کے افسران و جوانوں کی پیشہ ورانہ مہارت قابلِ فخر ہے۔
وزیراعلیٰ بلوچستان میر سرفراز بگٹی نے اس موقع پر کہا کہ فرنٹیئر کور بلوچستان نارتھ کے بہادر سپوت بھارتی اسپانسرڈ دہشتگردوں کے خلاف کامیاب کارروائیاں کر رہے ہیں اور بلوچستان حکومت دہشتگردی کے خلاف جنگ میں اپنی سیکیورٹی فورسز کے شانہ بشانہ کھڑی ہے۔
اس موقع پر چیف سیکرٹری بلوچستان اور آئی جی بلوچستان پولیس بھی موجود تھے۔

Twin Earthquakes Hit Barkhan and Nearby Areas, Three Injured

International Camel Conference Concludes at LUAWMS, Experts Stress Research for Climate Resilience

CM Balochistan, Corps Commander Review Ashura Security Arrangements at CPO Quetta

Balochistan CM Reviews Muharram Security Arrangements, Orders Strict Implementation of Safety Plan

Over 32,000 Security Personnel Deployed Across Balochistan for Ashura Processions

Quetta Ashura Procession Held Under Tight Security with Aerial Surveillance and Robotic Monitoring