وفاقی وزیر داخلہ، وزیراعلیٰ بلوچستان اور کور کمانڈر کی سی ایم ایچ کوئٹہ آمد، زخمی پولیس اہلکاروں کی عیادت

رپورٹ: سیدہ نتاشا

 وفاقی وزیر داخلہ محسن نقوی، وزیراعلیٰ بلوچستان میر سرفراز بگٹی اور کور کمانڈر بلوچستان نے سی ایم ایچ کوئٹہ کا دورہ کیا جہاں انہوں نے دہشت گردی کے حالیہ واقعات میں زخمی ہونے والے پولیس اہلکاروں کی عیادت کی۔
اس موقع پر وفاقی وزیر داخلہ محسن نقوی نے زخمی اہلکاروں کے بلند حوصلے کو سراہتے ہوئے کہا کہ پولیس اہلکاروں نے شیروں کی طرح دہشت گردوں کے حملوں کا مقابلہ کیا اور ان کے ناپاک عزائم کو ناکام بنایا۔ انہوں نے کہا کہ پوری قوم اپنے بہادر محافظوں کے ساتھ کھڑی ہے۔

وزیراعلیٰ بلوچستان میر سرفراز بگٹی نے زخمی اہلکاروں کی جرات اور قربانی کو خراجِ تحسین پیش کرتے ہوئے کہا کہ بلوچستان میں عدم استحکام پیدا کرنے کی ہر سازش کو ناکام بنایا جائے گا۔ انہوں نے کہا کہ پولیس کے یہ جوان ہمارے شیر ہیں اور قوم ان کے ساتھ ہے۔
کور کمانڈر بلوچستان نے بھی زخمی اہلکاروں کی پیشہ ورانہ صلاحیت اور حوصلے کو سراہا اور ان کی جلد صحتیابی کیلئے نیک تمناؤں کا اظہار کیا۔
زخمی پولیس اہلکاروں نے اس موقع پر گفتگو کرتے ہوئے کہا کہ وہ صحتیاب ہو کر دوبارہ دہشت گردی کے خلاف لڑیں گے۔ ان کا کہنا تھا کہ ہمارے حوصلے بلند اور عزم پختہ ہیں، فتنہ الہندوستان کے دہشت گردوں کو نیست و نابود کرنا ہمارا مشن ہے، اور اس ناسور کے خاتمے کیلئے ہماری اور ہمارے بچوں کی جانیں بھی حاضر ہیں۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands