وفاقی وزیر داخلہ محسن نقوی اور وزیر اعلیٰ بلوچستان سرفراز بگٹی کی شہید میجر انور کاکڑ کے گھر آمد

رپورٹ: سیدہ نتاشا

وفاقی وزیر داخلہ محسن نقوی اور وزیر اعلیٰ بلوچستان میر سرفراز بگٹی نے کوئٹہ کے علاقے سپنی روڈ، کاکڑ ٹاؤن میں شہید میجر انور کاکڑ کی رہائش گاہ کا دورہ کیا۔ اس موقع پر انہوں نے شہید کی والدہ، بھائیوں اور کمسن بیٹوں سے ملاقات کی اور دلی ہمدردی و تعزیت کا اظہار کیا۔

وفاقی وزیر داخلہ اور وزیر اعلیٰ بلوچستان نے فتنۂ الہندوستان کے بزدلانہ حملے میں جامِ شہادت نوش کرنے والے میجر انور کاکڑ کی عظیم قربانی کو زبردست الفاظ میں خراجِ عقیدت پیش کیا اور شہید کے ایصالِ ثواب کے لیے فاتحہ خوانی کی۔ محسن نقوی اور سرفراز بگٹی نے شہید کی والدہ کے بلند حوصلے کو سراہتے ہوئے کہا کہ ایسی مائیں ہی قوم کا اصل سرمایہ ہیں۔
وفاقی وزیر داخلہ محسن نقوی نے شہید کے کمسن بیٹوں سے شفقت کا اظہار کیا، انہیں پیار کیا اور دلاسہ دیا۔ اس موقع پر شہید کی والدہ نے کہا کہ “میرا بیٹا شیر تھا جو وطن پر قربان ہو گیا، مجھے اس کی شہادت پر فخر ہے، میرے دو اور بیٹے بھی وطن کے لیے حاضر ہیں۔”
محسن نقوی نے اعلان کیا کہ شہید میجر انور کاکڑ کے دوسرے بیٹے کا بھی ایچیسن کالج میں داخلہ کرایا جائے گا، جبکہ وزیر اعلیٰ بلوچستان سرفراز بگٹی نے شہید کے بھائی خدائیداد خان کو سرکاری ملازمت دینے اور ایک اسکول کو شہید میجر انور کاکڑ کے نام سے منسوب کرنے کا اعلان کیا۔
اس موقع پر محسن نقوی نے کہا کہ “آپ پاکستان کے بہادر بیٹے کی باہمت والدہ ہیں اور پوری قوم کو آپ پر فخر ہے۔ آپ کا عزم اور حوصلہ ہی قوم کی اصل قوت ہے۔ شہداء کے خون کا ایک ایک قطرہ وطن کے تحفظ کی ضمانت ہے۔”
وزیر اعلیٰ بلوچستان سرفراز بگٹی نے کہا کہ “میجر انور کاکڑ نے اپنی قیمتی جان وطن پر نچھاور کر کے شہادت کا بلند رتبہ پایا۔ شہداء قوم کا فخر ہیں اور قوم اپنے ہیروز کی قربانیوں کو کبھی فراموش نہیں کرے گی۔”
آخر میں وفاقی وزیر داخلہ اور وزیر اعلیٰ بلوچستان نے شہید کے اہل خانہ کے لیے صبر و استقامت کی دعا کی۔ اس موقع پر صوبائی وزراء، چیف سیکرٹری بلوچستان اور آئی جی پولیس بلوچستان بھی موجود تھے۔
واضح رہے کہ میجر انور کاکڑ کچھ عرصہ قبل کوئٹہ میں بھارتی اسپانسرڈ دہشت گردوں کے بزدلانہ دھماکے میں شہادت کے رتبے پر فائز ہوئے تھے

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands