ہنہ اوڑک حملہ: گورنر بلوچستان کی شدید مذمت، ملوث عناصر کے خلاف سخت کارروائی کا مطالبہ
گورنر بلوچستان جعفر خان مندوخیل نے ہنہ اوڑک میں مسلح افراد کے حملے کی شدید مذمت کرتے ہوئے تخریبی سرگرمیوں کے خاتمے کے لیے مؤثر اقدامات پر زور دیا۔ انہوں نے شہداء کے اہلخانہ سے اظہار تعزیت کرتے ہوئے یقین دلایا کہ حکومت ملوث عناصر کے خلاف سخت کارروائی کرے گی اور امن و امان کو یقینی بنائے گی۔
کوئٹہ: گورنر بلوچستان جعفر خان مندوخیل نے ہنہ اوڑک میں گزشتہ شب ہونے والے مسلح افراد کے حملے کی شدید مذمت کرتے ہوئے قانون نافذ کرنے والے اداروں پر زور دیا ہے کہ صوبے بھر سے تخریبی سرگرمیوں اور مسلح عناصر کے خاتمے کے لیے مؤثر اور ٹھوس اقدامات کیے جائیں۔
اپنے بیان میں گورنر بلوچستان نے کہا کہ شہریوں کے جان و مال کا تحفظ حکومت کی اولین ذمہ داری ہے اور اس مقصد کے لیے تمام دستیاب وسائل بروئے کار لائے جائیں گے۔انہوں نے مسلح حملے میں مقامی قبائلی افراد کی شہادت پر گہرے دکھ اور افسوس کا اظہار کرتے ہوئے شہداء کے لواحقین سے دلی ہمدردی اور تعزیت کی۔ گورنر نے یقین دہانی کرائی کہ حکومت اس مشکل گھڑی میں متاثرہ خاندانوں کے ساتھ کھڑی ہے اور حملے میں ملوث عناصر کے خلاف کارروائیاں مزید مؤثر بنائی جائیں گی تاکہ صوبے میں امن و امان کو یقینی بنایا جا سکے۔
:
Jaffar Khan Mandokhail, Hanna Urak Attack, Balochistan Security, Law Enforcement
Related News
