گوادر یونیورسٹی کے طلبہ کا کراچی مطالعاتی دورہ پاک فوج کے تعاون سے کامیابی سے مکمل
کراچی / گوادر : پاک فوج کی معاونت سے گوادر یونیورسٹی کے طلبہ و طالبات کا کراچی کا مطالعاتی دورہ کامیابی سے اختتام پذیر ہوا۔ اس دورے کا مقصد طلبہ کو تعلیمی، دفاعی اور عملی مشاہدات فراہم کرنا تھا تاکہ ان کے علم اور فہم میں اضافہ ہو سکے۔ دورے کے دوران طلبہ نے مزارِ قائد کا دورہ کیا، جہاں بانیٔ پاکستان کی جدوجہد اور قومی تاریخ سے آگاہی حاصل کی۔ بعد ازاں انہیں پاکستان ایئر فورس میوزیم لے جایا گیا، جہاں پاک فضائیہ کی تاریخ، پیشہ ورانہ خدمات اور دفاعی کردار سے متعلق تفصیلی معلومات دی گئیں۔ طلبہ نے پاکستان میری ٹائم میوزیم کا بھی دورہ کیا، جہاں انہیں بحری امور کی اہمیت اور پاک بحریہ کے کردار پر جامع بریفنگ دی گئی، اور سمندری دفاع و بحری سلامتی کے مختلف پہلوؤں سے آگاہی فراہم کی گئی۔ علم و آگاہی کے فروغ کے لیے جامعہ کراچی کا بھی دورہ کرایا گیا، جہاں طلبہ نے اعلیٰ تعلیمی ماحول، تحقیقی رجحانات اور تدریسی نظام سے واقفیت حاصل کی۔ سماجی و تفریحی سرگرمیوں کے دوران طلبہ کو بحریہ ٹاؤن، ایفل ٹاور اور کارنیول پارک کے دورے کرائے گئے، جس سے ذہنی تازگی اور مثبت تجربات حاصل ہوئے۔مطالعاتی دورے کے اختتام پر گوادر یونیورسٹی کے طلبہ نے پاک فوج کو خراجِ تحسین پیش کیا اور کہا کہ یہ دورہ ان کے علم، سوچ اور اعتماد میں اضافہ کا سبب بنا اور ہمیں اپنی فوج پر فخر ہے۔
گوادر یونیورسٹی کے طلبہ کا کراچی مطالعاتی دورہ پاک فوج کے تعاون سے کامیابی سے مکمل
کراچی / گوادر : پاک فوج کی معاونت سے گوادر یونیورسٹی کے طلبہ و طالبات کا کراچی کا مطالعاتی دورہ کامیابی سے اختتام پذیر ہوا۔ اس دورے کا مقصد طلبہ کو تعلیمی، دفاعی اور عملی مشاہدات فراہم کرنا تھا تاکہ ان کے علم اور فہم میں اضافہ ہو سکے۔ دورے کے دوران طلبہ نے مزارِ قائد کا دورہ کیا، جہاں بانیٔ پاکستان کی جدوجہد اور قومی تاریخ سے آگاہی حاصل کی۔ بعد ازاں انہیں پاکستان ایئر فورس میوزیم لے جایا گیا، جہاں پاک فضائیہ کی تاریخ، پیشہ ورانہ خدمات اور دفاعی کردار سے متعلق تفصیلی معلومات دی گئیں۔ طلبہ نے پاکستان میری ٹائم میوزیم کا بھی دورہ کیا، جہاں انہیں بحری امور کی اہمیت اور پاک بحریہ کے کردار پر جامع بریفنگ دی گئی، اور سمندری دفاع و بحری سلامتی کے مختلف پہلوؤں سے آگاہی فراہم کی گئی۔ علم و آگاہی کے فروغ کے لیے جامعہ کراچی کا بھی دورہ کرایا گیا، جہاں طلبہ نے اعلیٰ تعلیمی ماحول، تحقیقی رجحانات اور تدریسی نظام سے واقفیت حاصل کی۔ سماجی و تفریحی سرگرمیوں کے دوران طلبہ کو بحریہ ٹاؤن، ایفل ٹاور اور کارنیول پارک کے دورے کرائے گئے، جس سے ذہنی تازگی اور مثبت تجربات حاصل ہوئے۔مطالعاتی دورے کے اختتام پر گوادر یونیورسٹی کے طلبہ نے پاک فوج کو خراجِ تحسین پیش کیا اور کہا کہ یہ دورہ ان کے علم، سوچ اور اعتماد میں اضافہ کا سبب بنا اور ہمیں اپنی فوج پر فخر ہے۔
Related News
.jpeg)
