آئی جی پولیس بلوچستان محمد طاہر کا بلوچستان کانسٹیبلری ہیڈکوارٹرز کا دورہ، نئے بیرکس کا افتتاح

رپورٹ: سیدہ نتاشا

انسپکٹر جنرل آف پولیس بلوچستان محمد طاہر نے بلوچستان کانسٹیبلری ہیڈکوارٹرز بدر لائن کا دورہ کیا، جہاں انہوں نے دس کروڑ ساٹھ لاکھ روپے کی لاگت سے تعمیر ہونے والے نئے بیرکس کا باقاعدہ افتتاح کیا۔
اس موقع پر آئی جی پولیس بلوچستان کا کہنا تھا کہ امن و امان کے قیام کے لیے پولیس جوانوں کو جدید خطوط پر تربیت فراہم کی جا رہی ہے، جبکہ ان کے لیے بہتر رہائشی اور بنیادی سہولیات کی فراہمی پر بھی کام جاری ہے۔ انہوں نے کہا کہ اہلکاروں کی فلاح و بہبود کو ان کی ضرورتوں کے مطابق یقینی بنایا جا رہا ہے۔

آئی جی محمد طاہر نے مزید کہا کہ بلوچستان پولیس صوبے میں امن و امان کی بہتری کے لیے صفِ اول کے دستے کا کردار ادا کر رہی ہے اور جوانوں کی سہولیات میں بہتری سے ان کی کارکردگی میں مزید اضافہ ہوگا۔
دورے کے دوران حکام نے آئی جی پولیس کو بریفنگ دیتے ہوئے بتایا کہ نئے بیرکس میں 150 اہلکاروں کو رہائشی سہولیات میسر ہوں گی، جس سے فورس کی استعداد اور پیشہ ورانہ صلاحیتوں کو تقویت ملے گی۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands