آئی جی بلوچستان پولیس کا حنہ آپریشن کا دورہ، دہشت گردی کے خلاف اہلکاروں کی کارکردگی کو سراہا

کوئٹہ: انسپکٹر جنرل (آئی جی) بلوچستان پولیس محمد طاہر نے حنہ اُڑک کے علاقے کلی ببری کا دورہ کیا، جہاں انہوں نے دہشت گردوں کے خلاف جاری آپریشن میں شریک پولیس اور انسدادِ دہشت گردی فورس (اے ٹی ایف) کے اہلکاروں سے ملاقات کی۔ اس موقع پر ڈپٹی انسپکٹر جنرل (ڈی آئی جی) کوئٹہ عمران شوکت بھی ان کے ہمراہ تھے۔

آئی جی پولیس نے اہلکاروں کی بہادری، پیشہ ورانہ صلاحیت اور فرض شناسی کو سراہتے ہوئے کہا کہ بلوچستان پولیس نے دہشت گردی اور جرائم کے خلاف جنگ میں بے شمار قربانیاں دی ہیں اور مشکل حالات کے باوجود جوان پوری جرات اور لگن سے اپنے فرائض انجام دے رہے ہیں۔

انہوں نے کہا کہ تمام قانون نافذ کرنے والے ادارے دہشت گردی کے خاتمے اور صوبے میں پائیدار امن کے قیام کے لیے صفِ اول کا کردار ادا کر رہے ہیں۔ آئی جی نے شہداء کو خراجِ عقیدت پیش کرتے ہوئے کہا کہ بلوچستان پولیس کے شہداء کی قربانیاں ہمیشہ یاد رکھی جائیں گی اور ان کے اہل خانہ قوم کے لیے قابلِ احترام ہیں۔

دورے کے دوران ڈپٹی انسپکٹر جنرل عمران شوکت نے آئی جی کو ببری، حنہ اور شعبان کے علاقوں میں جاری سیکیورٹی آپریشنز پر بریفنگ دی۔ بعد ازاں آئی جی نے حنہ واقعے میں شہید ہونے والے پولیس اہلکاروں کے اہل خانہ سے ملاقات، فاتحہ خوانی اور دعا کی، جبکہ حنہ پولیس اسٹیشن کا بھی دورہ کیا جہاں انہوں نے اہلکاروں کے عزم اور پیشہ ورانہ صلاحیتوں کو سراہا۔ پولیس اہلکاروں نے اس موقع پر "پاکستان زندہ باد" کے نعرے لگاتے ہوئے ملکی سلامتی اور استحکام کے لیے ہر قربانی دینے کے عزم کا اظہار کیا۔

 

 

Keywords : Balochistan Police, IG Muhammad Tahir, Hanna Operation, Counterterrorism

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands