آئی جی پولیس بلوچستان کا اشتہاری مجرموں کے خلاف خصوصی مہم کا اعلان

رپورٹ: سیدہ نتاشا

 انسپکٹر جنرل پولیس بلوچستان محمد طاہر نے صوبے بھر میں اشتہاری مجرموں کے خلاف خصوصی مہم شروع کرنے کا اعلان کر دیا ہے۔ آئی جی پولیس کے مطابق مہم کے دوران بہترین کارکردگی دکھانے والے چار سرِفہرست اضلاع کے پولیس افسران اور ان کے ماتحت اہلکاروں کو انعامات دیے جائیں گے۔
آئی جی پولیس نے بتایا کہ ڈی آئی جیز اور ضلعی ایس پیز کی سربراہی میں اشتہاری مجرموں کی گرفتاری کا عمل 26 جنوری سے 24 فروری 2026 تک جاری رہے گا۔ مہم کو مؤثر بنانے کے لیے پولیس کے تمام دستیاب وسائل استعمال کیے جائیں گے۔
محمد طاہر نے کہا کہ اشتہاری مجرموں کی مرتب کردہ فہرستوں کا تبادلہ دیگر صوبوں کی پولیس کے ساتھ بھی کیا جائے گا تاکہ مجرموں کی ایک ضلع سے دوسرے ضلع یا صوبے میں منتقلی کے امکانات کو محدود کیا جا سکے۔
انہوں نے مزید ہدایت کی کہ وفات پا جانے والے اشتہاری مجرموں کو قانونی تقاضے مکمل ہونے کے بعد فہرستوں سے خارج کیا جائے۔
آئی جی پولیس بلوچستان نے ضلعی سطح پر ایس ایس پیز اور ایس پیز کو ہدایت کی ہے کہ مہم کی پیش رفت سے متعلق روزانہ کی بنیاد پر رپورٹ سینٹرل پولیس آفس کو ارسال کی جائے تاکہ مہم کی مؤثر نگرانی یقینی بنائی جا سکے۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands